“Sulmet kibernetike ose përdorimi i armëve kimike, biologjike, radioaktive ose bërthamore mund të ndodhin në çdo kohë.”
Gjërat nuk po shkojnë aspak mirë dhe tani ekziston rreziku i shkatërrimit në masë për shkak të trazirave gjeopolitike, ndaj një raport i BE-së kërkon nga qytetarët që të fillojnë të grumbullojnë mallra me vlerë tre ditë, për të qenë gati edhe për një sulm bërthamor!
BE-ja ia ka caktuar këtë raport Sauli Niinisto, ish presidentit të Finlandës!
Qëllimi i raportit është të bindë qytetarët europianë që të kujdesen për mbijetesën e tyre, në rast të një konflikti bërthamor me Rusinë.
Me pak fjalë, ata u kërkojnë europianëve që të bëhen “gati” dhe të jenë të përgatitur që të jetojnë sa më mirë që të jetë e mundur në epokën e Apokalipsit.
Raporti u bën thirrje të gjithëve të grumbullojnë dhe artikuj “bazë të vetë-mjaftueshmërisë”, që do të zgjasin të paktën 72 orë në rast të një “sulmi të armatosur me mjete konvencionale” ose aktiviteteve të tjera armiqësore, të tilla si “sulmet kibernetike ose përdorimi i kimikateve”, armët biologjike, radiologjike ose bërthamore, duke na lënë të kuptojmë se konsiderohet e sigurtë se do të ketë mungesa dhe akses të ndërprerë në ushqim dhe ujë (dhe më e rëndësishmja në ushqim dhe pije të pandotur ujë).
Brukseli vazhdoi me këtë raport të ish presidentit të Finlandës, për shkak të intensifikimit të operacioneve të ashtuquajtura hibride të Rusisë.
“Një klikim mund të mbyllë rrjetet e energjisë dhe të zhysë qytete të tëra në errësirë”, tha presidentja e Komisionit Europian Ursula von der Leyen, në prezantimin e raportit.
Dokumenti gjithashtu kërkon që BE-ja të forcojë mbrojtjen e saj dhe të shpenzojë rreth 20% të buxhetit të saj të përbashkët, aktualisht me vlerë rreth 1 trilion euro (1.08 trilion dollarë) gjatë shtatë viteve, për sigurinë dhe gatishmërinë për kriza.
“Shtetet anëtare duhet të forcojnë bashkëpunimin e tyre europian të mbrojtjes, duke investuar së bashku më shumë për të mbyllur boshllëqet e vjetra në gatishmërinë tonë ushtarake dhe industriale të mbrojtjes.”
BE-ja gjithashtu duhet të ndërtojë një rrjet anti-sabotazh, për të shmangur kërcënimet përmes ndarjes më të madhe të informacionit, vuri në dukje ish udhëheqësi finlandez, duke përmendur shqetësimet në rritje rreth sabotimit të mundshëm rus të infrastrukturës kritike.
Në fakt, kjo është një ekspoze e përgatitjes së popujve europianë për një Luftë të Tretë Botërore shumë brutale!
E keqja është se këtë luftë nuk e zgjodhën qytetarët europianë, por qeveritë e tyre që vendosën interesat e SHBA-së mbi interesat e vendeve të tyre.
Tani, vetë drejtuesit e BE-së, po u thonë qytetrëve se mund të vdesin edhe për këto zgjedhje që bën politika dhe jo popujt.
