Stërvitja e madhe vjetore bërthamore “Grom” ka filluar, me Moskën duke përshpejtuar stërvitjen dhe duke informuar SHBAnë për lëshimet e afërta të ICBMve dhe SLBMve dhe transportuesve të tjerë të kokave bërthamore.
Rusia pritet të testojë të gjitha armët e “Triadës Bërthamore” në pritje të shpërthimit të një “bombe bërthamore të pistë” nga ukrainasit.
Fakti që Ministri rus i Mbrojtjes, Sergey Shoigu, informoi personalisht homologun e tij indian për këtë çështje, forcon gjasat për një aksident bërthamor në ditët në vijim. E njëjta gjë ndodhi edhe me homologun e tij kinez.
Një tjetër shenjë shqetësuese është informacioni që vjen nga Rusia për përgatitjen e vendstrehimeve dhe vendeve të evakuimit në Shën Petersburg, një qytet që ndodhet larg operacioneve luftarake, por që është shumë afër Finlandës dhe bazës së Flotës Ruse të Balltikut.
Ju kujtojmë se Krostandi, një qytet ishull dhe port që i përket rrethit të Shën Petersburgut, është gjithashtu selia e Flotës Ruse të Balltikut, ndërtuar në ishullin Kotlin, në qendër të Gjirit të Finlandës.
Tani është e qartë se rusët po përgatiten për përfshirje edhe në Detin Balltik.
Po përgatiten format e organizimit të evakuimit të banorëve në Shën Petersburg.
Në Shën Petersburg masat e sigurisë po forcohen, sektori i transportit, energjisë, komunikimit dhe telekomunikacionit janë vënë nën kontroll të veçantë, sipas guvernatorit të qytetit.
Autoritetet e qytetit të Shën Petersburgut kanë përgatitur një listë të zonave të sigurta, në të cilat mund të evakuohet popullsia në rast emergjence natyrore, ose një emergjence tjetër të shkaktuar nga njeriu.
Lista përfshin tre rrethe veriore dhe katër jugore të Shën Petersburgut që ndodhen në një distancë jo shumë të largët nga qendra.
Këto janë rrethet Viborgski, Kurotni, Krasnoselski, Kolpinski, Primorski, Pushkinski, Petrodvortsovi.
