Moska guxoi dhe raketat ruse bombarduan territorin polak, dy të vdekur.
Mesazhi i Vladimir Putin për Varshavën dhe “topi” i pasohet NATO0s, mes kësaj lëvizjeje ushtarake.
Gatishmëri ushtarake e lartë dhe e plotë në Poloni.
Situata midis NATO-s dhe Rusisë është jashtëzakonisht kritike, pasi raketat ruse ranë në fshatin polak Przewodów në periferi të Lublinit duke vrarë dy persona.
Incidenti ndodhi gjatë bombardimeve ruse të rajoneve Lviv dhe Kovel.
Një zyrtar amerikan konfirmoi se “raketat ruse ranë në vendin anëtar të NATO-s, Poloni, duke vrarë dy persona”.
Raportet tregojnë gjithashtu se luftëtarët polakë janë nisur nga baza Tomaszów Lubelski.
Në këtë kontekst, neni 5 i Organizatës së Traktatit të Atlantikut të Veriut mund të thirret për detyrimin, për t’i ofruar mbrojtje një anëtari të sulmuar, thonë burimet polake.
Ka dy mundësi:
Ose rusët i dërguan një mesazh të qartë Polonisë përpara betejës në Zaporizhia dhe transferimit të 5.000 trupave polake atje në mbështetje të ukrainasve. Ky opsion ka propabilitetin më të madh.
Ose janë provokime me qëllim që NATO-ja të hyjë në luftë dhe të krijojë një “korridor humanitar” në Ukrainën perëndimore.
68 km devijim nga objektivi, bombardimi në Poloni.
Sipas vlerësimeve të para, raketat kanë qenë ndoshta të drejtuara në Lviv, rreth 68 kilometra larg kufirit, por ato “humbën orientimin” dhe goditën fshatin që ndodhet pak kilometra larg territorit ukrainas, konkretisht në “tharësit e grurit”.
Megjithatë, devijimi prej 68 km i raketave ruse është distancë e madhe për t’u konsideruar gabim edhe për llojet e vjetra të municioneve të përdorura.
Sipas informacioneve të para, ngjarja ka ndodhur rreth orës 15.40 në “tharësit e drithit”, ku hyjnë traktorë me mallra, sipas punonjësit të detyrës së Shtabit të Qarkut të Shërbimit Shtetëror të Zjarrfikësve në Lublin.
Në të njëjtën kohë, nga Polonia raportohet se Forcat e Armatosura janë në “gadishmëri të lartë”.
Konkretisht, zëdhënësi i qeverisë Piotr Müller njoftoi të martën në mbrëmje se, për shkak të situatës së krizës, kryeministri i vendit, në konsultim me presidentin Andrei Duda, urdhëroi një takim në Zyrën e Sigurisë Kombëtare me anëtarët e Komisionit të Çështjeve të Sigurisë Kombëtare dhe Mbrojtjes.
Komiteti përfshin gjithashtu Ministrat e Drejtësisë, të Brendshëm, krerët e Shërbimeve Sekrete dhe Ministrin e Punëve të Jashtme.
Sot, rusët nisën sulme masive në qytetet e Ukrainës. U lëshuan gati 100 raketa, të cilat goditën, ndër të tjera, Kievin, Lviv, Rivne, Nikopoli dhe shumë qytete të tjera.
Kirill Tymoshenko, Zëvendës Shefi i Zyrës së Presidentit të Ukrainës, tha se situata në vend është kritike.
“Ky është sulmi raketor më masiv që nga fillimi i pushtimit rus në shkallë të plotë të Ukrainës”, tha zëdhënësi i Forcave Ajrore të Ukrainës, Yuriy Ikhnat. Rusët sulmuan Kovel në Volhynia.
Reagimet e para.
Ministri i Mbrojtjes i Letonisë, Artis Pabriks u shpreh: “Ngushëllimet e mia për vëllezërit tanë polakë. Regjimi kriminal rus ka lëshuar raketa që synojnë jo vetëm civilët ukrainas, por edhe territorin e NATO-s në Poloni. Letonia qëndron plotësisht me miqtë polakë dhe e dënon këtë krim.“
Reagim ka pasur edhe nga qeveria estoneze pas rënies së dy raketave në Poloni.
