Ish shefi gjerman i inteligjencës deklaron: “Islami do të pushtojë Europën, ndërsa theksoi se ka politikanë që lejojnë transformimin etnik shtetesh të tëra”.
Një sondazh tronditës i fundit zbulon se 67.8% e studentëve myslimanë që ndjekin shkollat gjermane thonë se “rregullat e Kuranit janë më të rëndësishme se Kushtetuta dhe ligjet” e shtetit gjerman.
Sondazhi i posaçëm, i Institutit Gjerman për Kërkime Kriminologjike të Saksonisë së Poshtme, zbuloi se 67.8% e studentëve myslimanë që ndjekin shkollat në vend thanë se i konsiderojnë “rregullat e Kuranit më të rëndësishme se kushtetuta gjermane dhe ligjet e shtetit gjerman”, njoftoi APE.
51.5% e studentëve besojnë se “vetëm Islami është në gjendje t’u japë zgjidhje problemeve të kohës sonë”, ndërsa
45.8% besojnë se “një sistem teokratik islamik është shteti më i mirë”.
36.5% thonë se shoqëria gjermane do të ishte më e fortë nëse do të zbatoheshin rregullat islame dhe 35.3% shprehin mirëkuptimin e dhunës ndaj njerëzve që fyejnë Allahun ose Muhamedin.
Në të njëjtën kohë, 21.25% e justifikojnë dhunën islamike në Perëndim, përderisa Islami është i kërcënuar, ndërsa 18.1% e konsiderojnë të justifikuar edhe përdorimin e dhunës për përhapjen dhe imponimin e Islamit.
Hulumtimi zbulon shumë dhe trondit kryesisht shoqërinë gjermane dhe Europën.
Nuk bëhet fjalë për emigrantë myslimanë të ardhur në vend, të cilët fillimisht janë ushqyer me ideale islame, por për fëmijë që kanë lindur në një vend europian, njëkohësisht me popullsinë vendase.
Shefi i politikës së brendshme të Partisë Demokristiane (CDU), Christoph de Vries tha për BILD se “anketimi tregon se sa thellë ka arritur Islami politik në Gjermani” dhe madje foli për “indoktrinim sistematik” në vendin e punës.
“Multikulturalizmi ka dështuar prej kohësh. Tani kërkohet qartësi dhe qëndrueshmëri nëse duam të ndalojmë sulmin e fanatikëve”, shtoi ai, ndërsa Ministrja e Arsimit e Schleswig-Holstein dhe nënkryetarja e CDU Karin Prien shprehu shqetësimin e saj për rezultatet e sondazhit dhe fajësoi “familjet, më shumë se shkollat, si dhe qendrat shtetërore të edukimit politik dhe sigurisht të rinjtë e komuniteteve përreth xhamive”.
Ish-shefi gjerman i inteligjencës tha: “Islami do të pushtojë Europën”.
Ish kreu i shërbimit të sigurisë së brendshme gjermane, Hans-Georg Maassen, kohët e fundit tha se Evropa po përballet me një krizë të paprecedent për shkak të emigracionit masiv, se Islami është gati të pushtojë Europën dhe se Gjermania dhe Austria mund të bëjnë shumë për të ndaluar krizën, por nuk po i japin zgjidhje.
“Një kulturë krejtësisht tjetër po na afrohet. Ne nuk jemi aspak të përgatitur për këtë, pasi nuk jemi në gjendje t’i zgjidhim konfliktet edhe me dhunë, siç bëjnë fraksionet familjare nga shtetet arabe. Këta njerëz i zgjidhin konfliktet me dhunë, ndërsa njerëzit në Europën Qendrore besojnë se kjo mund të bëhet vetëm përmes gjykatave”, tha Maassen, i cili ishte president i Zyrës për Mbrojtjen e Kushtetutës (BfV) nga viti 2012 deri në vitin 2018, (intervistë për FPÖ TV).
“Europianët do t’i nënshtrohen Islamit. Nga njëra anë sepse ata nuk janë në gjendje as ta shohin këtë konflikt që vjen dhe nga ana tjetër sepse nuk janë në gjendje të zgjidhin konfliktet në një mënyrë të ngjashme”, tha ai, duke deklaruar se “rezultati përfundimtar do të të jetë shkatërrimi gradual i kulturave tona europiane”.
Maassen përshkroi se europianët jetojnë pa një vizion apo mision, ndërsa kulturat e tjera konkurruese kanë një ide të qartë se çfarë janë dhe cilat janë qëllimet e tyre.
“Nuk e dimë se ku duam të shkojmë. Si duhet të duken Gjermania apo Austria në vitin 2030? Ne jetojmë vetëm momentin dhe për këtë arsye humbasim përballë të tjerëve, të cilët kanë një fe ose një ideologji dhe e dinë se ku duan të shkojnë. Na mungon misioni”, vazhdoi ai. “Kryesisht myslimanët vijnë tek ne me një ndërgjegje krejtësisht të ndryshme për kulturën, fenë dhe familjen. Në Europën laike, feja dhe familja – nëse janë ende të rëndësishme – janë çështje e individit, por në këto kultura është çështje e racës”, vazhdoi ish Zyrtari gjerman.
Zëvendësimi i popullsisë sipas projektimit.
Maassen deklaroi se politikanët europianë në mënyrë aktive lejojnë emigracionin masiv sepse, sipas tij, “politikanët tanë duan një popullsi tjetër. E majta politike ndjek rrugën e ideologjisë antigjermane.
Sa më heterogjene të jetë një popullsi, aq më pak mund të artikulojë dhe të ketë një diskurs demokratik. Sa më shumë që politika të pranojë sipas dëshirës emigrantë nga vendet e tjera dhe t’u japë atyre shtetësi, aq më shumë, politika zgjedh njerëzit e pushtetit dhe ndikon në rezultatet e zgjedhjeve. Këta emigrantë pastaj votojnë ndryshe nga vendasit”.
Maassen tha gjatë intervistës se vende si Gjermania dhe Austria kanë mjetet e nevojshme për të ndaluar emigracionin, por po bëjnë një zgjedhje të vetëdijshme, që të mos e bëjnë këtë.
Një nga pikat kryesore të pengesave për qeveritë perëndimore është se vendet e treta kanë refuzuar të marrin përsëri shtetas të huaj, por Maassen tha se ka një sërë mjetesh në dispozicion për t’u marrë me këto kombe problematikë dhe të dhunshëm.
