Retroviruse të lashtë, të lidhur me çrregullime mendore, janë identifikuar në ADN-në e njeriut.
Profesionstët e fushës e bënë këtë zbulim duke studiuar strukturën e ADN-së së disa dhjetëra mijëra njerëzve, disa prej të cilëve ishin bartës të skizofrenisë, çrregullimeve bipolare dhe çrregullimeve të tjera mendore.
Një ekip ndërkombëtar gjenetistësh ka zbuluar prova se fragmente të gjenomit të pesë retroviruseve të lashta, të pranishme në ADN-në e shumë njerëzve në Tokë, kontribuojnë në zhvillimin e skizofrenisë, sindromës bipolare dhe çrregullimeve të tjera serioze mendore. Kjo u raportua nga shërbimi për shtyp i Imperial College London (ICL).
“Eksperimentet dhe llogaritjet tona tregojnë se fragmente të gjenomave të viruseve të lashta të pranishme në ADN-në njerëzore kanë një ndikim edhe më të madh në predispozicionin e njerëzve ndaj çrregullimeve të ndryshme mendore, sesa mendohej më parë” tha lektori i lartë i ICL, Timothy Powell, sipas zyrës së shtypit të universitetit.
Përveç kësaj, shkencëtarët matën nivelin e aktivitetit të pjesëve të ndryshme të ADN-së, duke përfshirë fragmente të gjenomave të lashta të retroviruseve, në qelizat e trurit të tetëqind pacientëve.
Në total, shkencëtarët ishin në gjendje të identifikonin më shumë se 4 mijë fragmente të retroviruseve të lashtë, që ishin aktivë brenda qelizave të trurit dhe indeve të tjera të trupit, në një formë ose në një tjetër. Analiza e mëvonshme tregoi se niveli i aktivitetit të pesë prej këtyre viruseve ndikoi ndjeshëm në mundësinë e zhvillimit të disa çrregullimeve të ndryshme mendore midis përfaqësuesve të të gjitha grupeve etnike.
Në veçanti, shkencëtarët zbuluan se dy retroviruse të lashtë ndikuan në gjasat e zhvillimit të skizofrenisë, një tjetër kontribuoi njëkohësisht në zhvillimin e skizofrenisë dhe çrregullimit bipolar dhe një pjesë tjetër e gjenomit të një virusi të lashtë, ishte e lidhur me zhvillimin e formave të rënda të depresionit. Në të njëjtën kohë, shkencëtarët nuk mund të identifikonin një lidhje midis viruseve të lashta dhe zhvillimit të autizmit dhe çrregullimit të deficitit të vëmendjes.
Studimi i mëvonshëm i efektit të fragmenteve të këtyre retroviruseve në aktivitetin jetësor të qelizave të trurit do të ndihmojë në zbulimin e arsyeve pse këto gjurmë të infeksioneve të lashta kontribuojnë në zhvillimin e skizofrenisë, çrregullimit bipolar dhe çrregullimeve të tjera mendore. Kuptimi i kësaj do të na lejojë të zhvillojmë qasje që zvogëlojnë gjasat e shfaqjes së këtyre çrregullimeve, përfunduan Powell dhe kolegët.
Rreth retroviruseve antike
Gjenomi i njerëzve dhe të gjitha gjallesave të tjera shumëqelizore përbëhet kryesisht nga fragmente të ADN-së dhe retroviruse të lashta, të cilat në të kaluarën e largët ishin integruar në strukturën kromozome të paraardhësve të tyre. Në shumicën e rasteve, këto fragmente të gjenomit viral nuk manifestohen në asnjë mënyrë, por ndonjëherë ato përdoren nga trupi për qëllimet e veta, ose ndikojnë negativisht në funksionin e tij.
Gjenetika është shkenca ku financohen miliarda dollarë nga sistemi. Për mirë apo për keq vallë, ka ndikuar avancimi i gjenetikës mbi njerëzimin? Faktet tregojnë se gjenetika mbetet një sektor në hijen e mistikes dhe duket ikur po e përdor e keqja kundër njeriut. Mes vaksinave të Covid gjithashtu u ndërhy në ADN-në e njeriut. Pse?
