Varka me emigrantët e paligjshëm u kthye në ujërat turke.
Një incident me emigrantë të paligjshëm ka ndodhur në Hios. Sipas informacioneve të para, një varkë me 15 persona në bord, emigrantë të paligjshëm së bashku me trafikantin, ka tentuar t’i afrohet ishullit për të zbritur emigrantët. Në vendngjarje ka mbërritur një varkë e rojes bregdetare greke.
Të shtëna nga skafi i emigrantëve në drejtim të mjetit lundrues të rojes bregdetare greke trazuan situatën. Rojet e portit janë kundërpërgjigjur duke qëlluar në ajër, duke bërë që skafi me emigrantët e paligjshëm të kthehet në ujërat turke.
Autoriteti Turk i Menaxhimit të Migracionit po zbaton një operacion të koordinuar destabilizimi në Egje, në Rodos dhe gjetiu ka flukse të shtuara të emigrantëve që vijnë natën në brigjet e largëta të Greqisë jug-lindore.
Dyshohej, dihej, por tani një gazetar turk në mërgim e konfirmon se turqit po “shtyjnë” edhe luftëtarë terroristë mes mijëra emigrantëve drejt Egjeut.
Pak më parë u bë e ditur se “në plazhin Trypiti të Gavdosit është afruar pasditen e së mërkurës një varkë me emigrantë. Bëhet fjalë për 39 persona, të gjithë burra dhe të rritur, të cilët, siç u shprehën ata, u nisën nga porti libian i Tobruk me destinacion Gavdos”.
Erdogan do të zbatojë një plan kundër Greqisë dhe Qipros
Sipas A. Bozkurt, “Turqia ka lejuar luftëtarët e huaj terroristë (FTF) të udhëtojnë në vendet e zgjedhjes së tyre ose në vendet ku ata kanë shtetësinë ose vendbanimin, në vend që t’i ndjekë penalisht dhe t’i mbajë ata përgjegjës për krimet e së shkuarës.
Sipas një politike të miratuar në vitin 2018 nga Presidenti Rexhep Tajip Erdogan, Autoriteti Turk i Menaxhimit të Migracionit (Göç İdaresi Başkanlığınca), i cili është pjesë e Ministrisë së Brendshme, është urdhëruar të largojë nga territori turk, me forcë ose me pëlqimin e tyre, të gjithë terroristët.
Ankaraja kërcënon vendet e Mesdheut dhe ato të NATO-s me mision terrorist dhe plan të tmerrshëm.
Zyrtarët turq kanë paralajmëruar aleatët e tyre perëndimorë: “Dyert do të hapen dhe anëtarët e ISIS-it do të vijnë tek ju, mos u përpiqni të na frikësoni”.
Zemërimi në Rodos për rritjen e fluksit të emigrantëve.
Në të njëjtën kohë, janë shumë emigrantë që zbarkojnë në disa ishuj grekë dhe në Rodos dhe ky shqetësim është në qendër të vëmendjes, prej disa ditësh.
Pardje një varkë me emigrantë ka mbërritur në plazhin Gennadi në Rodos.
“Varkat me emigrantë janë një fenomen i shpeshtë në plazh. Pothuajse çdo ditë ata dalin jashtë. Është si një plan i organizuar”, siç thonë banorët e Rodosit.
Ditët e mëparshme trafikantët sollën 40 emigrantë në Lindos, ndërsa Gennadi, Kiotari dhe Kattavia janë zonat që marrin këto ngarkesa natën nga bregdeti turk.
