“Sabotimi është një akt i egër dhe kriminal”, thotë ministrja e Transporteve.
Dyshimet se Rusia mund të qëndrojë pas valës së sotme të sulmeve dhe zjarrvënieve në rrjetin hekurudhor të Francës, lënë zyrtarët e qeverisë franceze në agoni.
Zëvendësministrja i Transporteve të Francës, Patrice Vergriet, tha se autoritetet “po përgatiteshin për sulme të tjera të mundshme, pas zjarreve që shpërthyen në tre pika përgjatë rrjetit hekurudhor të Francës, në një akt të egër krimi”, përpara ceremonisë së hapjes sonte të Lojërave Olimpike.
Disa zyrtarë të lartë, duke përfshirë Jean de Gliniasty, ish ambasadori francez në Moskë, thanë se Rusia mund të qëndronte pas sabotazhit.
“Ne jemi padyshim në një situatë konflikti me Rusinë dhe Rusia padyshim nuk do të bëjë asgjë për të ndihmuar këtë Olimpiada për të qenë e suksesshme”, tha de Gliniasty.
Jérôme Poirot, ekspert i terrorizmit për RMC-BFMTV shtoi:
“E dimë se Rusia dhe vende të tjera duan të ndërhyjnë në Lojërat Olimpike. Mund të ketë një plan për të parandaluar edhe ceremoninë e hapjes.”
Autoritetet franceze, megjithatë, thonë se janë të përgatitur për t’u marrë me sulme të mëtejshme pasi diversantët “paralizuan” rrjetin kombëtar hekurudhor të shpejtësisë së lartë të vendit, përpara ceremonisë së hapjes sonte të Lojërave Olimpike të Parisit.
Patrice Vergriet, ministrja në detyrë e transportit, tha se autoritetet po “përgatiteshin” për sulme të tjera të mundshme pasi zjarret shpërthyen në tre lokacione përgjatë rrjetit hekurudhor të Francës, në atë që ajo e quajti një “vepër kriminale të egër”.
Kur u pyet nëse Franca duhet të ketë frikë nga “më shumë sulme”, Vergriet i tha TF1:
“Po përgatitemi për më shumë sulme. Nuk kishim asnjë paralajmërim specifik përpara këtyre akteve të planifikuara të sabotimit.
Sot jemi në gatishmëri të lartë, ndaj padyshim që kemi mobilizuar të gjitha forcat e sigurisë, si dhe dronët, ndaj sot kemi rritur shumë vigjilencën”.
Hapësira ajrore mbi Paris është mbyllur
Sinjalet përgjatë binarëve u dogjën dhe kabllot u prenë dhe u dogjën, në një seri sulmesh “të koordinuara” që sollën bllokimin e shërbimeve të trenave rreth kryeqytetit, thanë burime pranë hetimit.
Vergriete nuk pranoi të spekulojë se kush qëndron pas sabotazhit, duke thënë se hetimi ishte në vazhdim.
Por zyrtarë të lartë të ministrisë e drejtuan gishtin nga radikalët “e majtë” dhe Rusia, atletët e së cilës janë ndaluar nga ceremonia e hapjes.
Izraeli nga ana e tij sugjeroi se Irani ishte përgjegjës.
Pavarësisht se një në katër trena Eurostar janë anuluar gjatë fundjavës, rrjeti francez po tregon shenja rimëkëmbjeje, me Anne Hidalgo, kryebashkiaken e Parisit, duke këmbëngulur se sulmi “nuk ka efekt” në ceremoninë e hapjes të së premtes.
Vergriete tha se inxhinierët e hekurudhave po bënin përparim dhe “trafiku po fillon të rritet përsëri dhe duhet të kemi një tren në tre të gatshëm për lëvizje, këtë pasdite”.
