Transport ajror i armëve ruse në Teheran.
Një sulm parandalues kundër Iranit, që çon në një luftë të përgjithësuar, kjo i kërkohet Netanyahut nga opozita dhe shumë zyrtarë të lartë të sektorit të Mbrojtjes dhe Sigurisë. Presioni po rritet pas informacioneve të konfirmuara për transferimin e armëve ruse në Teheran.
Gjithçka tregon se Lindja e Mesme po kalon momente shumë kritike. Ky sulm iranian nuk do të përfundojë “vetëm” si herën e kaluar.
Sipas medias izraelite Kann News, Izraeli po përgatitet për një përgjigje të menjëhershme kundër Iranit nëse ai sulmon.
Ministri izraelit i Mbrojtjes Yoav Gallant vizitoi sot Qendrën e Komandës dhe Kontrollit të Nëntokës së Forcave Ajrore izraelite në selinë e IDF në “The Kirya” të Tel Avivit, për t’u siguruar që përgatitjet për një sulm iranian dhe/ose Hezbollah janë të përfunduara.
Yoav Gallant tha qartë:
“Ne duhet të jemi të përgatitur për çdo gjë, duke përfshirë një tranzicion të shpejtë në sulm”.
Izraeli: Kërkojnë sulm parandalues ndaj Iranit!
Sipas Times of Israel, Izraeli po shqyrton nisjen e një sulmi parandalues për të penguar Iranin nëse gjen prova të forta se Teherani po përgatitet të sulmojë, raportuan mediat hebraike, pasi kryeministri Benjamin Netanyahu thirri shefat e tij të sigurimit të Izraelit në këshillin e luftës.
Këshilli përfshinte Ministrin e Mbrojtjes Yoav Gallant, Shefin e Shtabit të IDF-së gjeneral-lejtant Herchi Halevi, shefin e Mossad-it David Barnea dhe shefin e Shin Bet Ronen Barr.
Udhëheqësi i opozitës Gair Lapid ka kritikuar udhëheqjen e Izraelit për trajtimin e kërcënimit iranian, duke argumentuar se “nuk ka asnjë pengesë dhe asnjë qeveri”.
“Unë do të doja të pyesja qeverinë izraelite, a është ajo që po shohim në ditët e fundit përditshmëria e re?” – pyeti Lapid gjatë takimit javor të partisë së tij Yesh Atid në Knesset.
“A është e pranueshme për ju që për pesë ditë një vend i tërë është ulur dhe pret të bombardohet? A është normaliteti i ri ky, ku çdokush do të preqë qeverinë t’i thotë kur mund të shkojnë në shtëpi?”, vazhdon ai.
“Normaliteti i ri është që prindërit nuk shkojnë dot në një park publik, sepse është larg nga një strehim. Linjat ajrore të huaja nuk duan të fluturojnë këtu, sepse nuk ka kujt t’i besohet. Të gjithë presin dhe presin dhe nuk e dinë se çfarë presin”, shton Lapid.
Edhe parkingjet e spitaleve po përgatiten në Izrael.
Irani ka formuar ‘Forcën Qassem Soleimani’, një forcë të re rajonale e cila ka një strukturë të ngjashme me atë të Gardës iraniane të IRGC dhe do të përfshijë forcat shiite të Iranit në Jemen, Liban, Irak dhe Siri, citon Al-Ain News me bazë në Emiratet e Bashkuara Arabe, thonë burime rajonale.
Grupi i ri fillimisht do të përbëhet nga 10,000 anëtarë, 20% e të cilëve do të jenë Houthi të Jemenit, me Hezbollah-un që do të luajë një rol të drejtpërdrejtë në nivelet e tij administrative dhe organizative, thuhet në raport.
Vdekja e fundit e një Houthi në Irak gjatë një sulmi ajror amerikan thuhet se është e lidhur me grupin e ri të formuar nga Republika Islamike.
Kjo forcë besohet se ndihmon Hezbollah-un në operacionet tokësore, gjë që tregon për një luftë të përgjithshme në rajon.
Madje për këtë Izraeli po i kthen parkingjet e spitaleve në “reparte urgjence” për të përballuar rritjen e viktimave.
Transporti ajror i armëve ruse në Iran, konfirmoi Teherani.
Mediat izraelite konfirmojnë transferimin e sistemeve të armëve ruse në Iran. Izraelitët po flasin për fluturime emergjente të transportuesve rusë në Iran, me këshilltarë ushtarakë për sektorë kritikë dhe pajisje të ndjeshme.
Sipas medias izraelite Channel 14, Rusia transferoi me urgjencë sistemet balistike Iskander dhe sistemet e luftës elektronike Murmansk-BN në Iran, me avionët e transportit Il-76.
Javën e kaluar transportuesit rusë Il-76 u ulën në disa aeroporte në Iran, duke mbajtur municione dhe pajisje të ndryshme ushtarake.
Dy zyrtarë iranianë konfirmuan kohët e fundit se Teherani ka kërkuar radarë dhe sisteme moderne kundërajrore nga Rusia, ndërsa përgatitet për luftë me Izraelin.
Megjithatë, nuk ka gjasa që Rusia të ketë transferuar raketa balistike Iskander-M në Iran, pasi rrezja e tyre është vetëm 500km, ndërsa Teherani ka raketa me një rreze më të gjatë.
Ajo që mund të ketë mbajtur dhe ndoshta ka bërë, janë raketat kundër anijeve, sistemet e luftës elektronike dhe sistemet kundërajrore.
