Moda dhe teknologjia janë dy superarmët e elitës Luçiferiane, të cilët punuan me saktësi dhe përkushtim absolut për vite me radhë, duke përgatitur pak a shumë terrenin që njerëzimi i sotëm të duket si një çmendinë e madhe.
Duke u kthyer pas në kohë, njeriu zbulon se moda (si teknologjia sot) ishte pothuajse e imponuar, me të njëjtin truk që shërbëtorët e djallit imponojnë gjithçka: margjinalizimin dhe përjashtimin nga shoqëria.
Njerëzit e çdo specialiteti po punojnë (e dinë apo jo) për ndryshimet e tmerrshme që përjetojmë çdo ditë në familje, në komb dhe në fe, nga drejtuesi i televizionit deri te berberi i lagjes. Vetëm se i pari paguhet për të promovuar axhendën e vitit 2030, ndërsa i dyti e bën këtë pa e kuptuar që i shërben interesave të paranojakëve të demonizuar, qëllimi i vetëm i të cilëve është kontrolli absolut i njerëzimit dhe rrëmbimi i shpirtit njerëzor.
Moda krijoi nevoja të reja, standarde të reja, stil të ri jetese, baba i ri, pra prindi 1, nëna e re, pra prindi 2, shpëtimtarë të rinj dhe Krishti i ri, pra Antikrishti.
Ata që nuk e ndjekin me besnikëri janë të prapambetur, mendjengushtë, “të krishterë të vjetëruar”, njerëz të modës së vjetër dhe të persekutuar, për ta thënë në termat e rinj të medias dhe nëse shfaqin kundërshti, quhen “fashistë”, “racistë” dhe të tjera epitete të pabaza, por tejet stigmatizuese.
Shoqëria ndoqi me shpejtësi dhe shpirt shpërthyes gjithçka që moda impononte dhe gllabëronte me grykësi të pabesueshme aq shumë modë dhe teknologji, saqë për pak do të duket si një kosh plehrash i tejmbushur.
Në fund të fundit, kujt i interesojnë në këto ditë, heronjtë apo shenjtorët?
Sa prej nesh kanë një shpirt sakrifikues dhe do të dëshironin të ishin si ata? Ndoshta askush!
“Përparimi”, që ne kemi besuar se kemi arritur (për fat jo të gjithë ne), nuk lejon sentimentalizëm dhe sakrificë. Këto i përkasin të shkuarës, të cilën e kemi fshirë lehtësisht nga kujtesa dhe e kemi këmbyer me një të ardhme distopike, e cila na çon në izolim, pasi nuk jemi të aftë të duam askënd, përveç vetvetes.
“Duajeni njëri-tjetrin” na mësoi Krishti! Ai u tall, u torturua, u kryqëzua, duke na treguar “botën me kokë poshtë” që atëherë, që kur Baraba u lirua.
Kryqëzuam çdo virtyt, çdo të mirë që kishim brenda vetes: pafajësinë, mëshirën, vëllazërinë, guximin, të vërtetën, drejtësinë, dashurinë.
Fatkeqësisht, së bashku me Krishtin u ngjitëm në kryq dhe dashuri! Të shtyrë nga energjia djallëzore, ne zgjodhëm të ecnim me ligësi, padrejtësi, frikë, zili dhe ego të madhe, e cila kultivohej brez pas brezi, duke shkaktuar vetëm pikëllime dhe çrregullime mendore.
Megjithatë, djalli dhe fëmijët e tij nuk llogaritën në Ringjalljen e Krishtit që do të ndriçonte gjithë krijimin, do t’i vinte zemrave flakën dhe do t’i përmbyste planet e tij për të sunduar plotësisht mbi krijesën e Zotit dhe për të imponuar “globalizimin satanik” të tij, që ai e ka bërë me zjarr për 2024 vite.
“Perëndia u ngrit dhe armiqtë e tij u shpërndanë dhe ata që e urrenin ikën nga prezenca e tij.”
Ne jetojmë, për fat të keq, në një situatë të paprecedent, e cila është frymëzuar nga krijesa më e frikshme në univers: djalli.
“Satanizimi”, apo globalizimi, është promovuar prej shekujsh në mënyra të ndryshme dhe nga shërbëtorë të ndryshëm të djallit, të cilët herë janë shkrimtarë, herë shkencëtarë, herë artistë të skulpturave të tmerrshme që zbukurojnë tempujt dhe ndërtesat anembanë Europës.
Shpërthimi i teknologjisë së shekullit të 21-të dhe kontrolli i saj nga demonët është pjesa e enigmës që u jep atyre avantazhin sot për të zbatuar atë që ata kanë përgatitur për të gjithë ne, që kemi fjetur në gjumin e drejtësisë.
Le të ndalojmë së pretenduari se nuk shohim dhe dëgjojmë!
Le të mos mendojmë se do të zgjohemi një mëngjes dhe gjithçka do të jetë një ëndërr e keqe që ka kaluar!
“Maskat” kanë kohë që kanë rënë dhe rolet tashmë janë përcaktuar qartë.
Na kanë përgatitur në një mijë e një mënyra për atë që do të na ndodhë, nëse e lejojmë duke vazhduar të bëjmë strucin.
Toka kthehet në ferr, është më e ndritshme se dielli. Pse? Sepse digjen pyjet! Bëhen Luftëra! Digjen trupa që abuzohen orë e çast në rrugët e prostitucionit dhe krimit! Djeg dhe përzhit mëkati gjithçka në Tokë, ka vetëm zjarr.
Ky nuk është thjesht një gjykim vlerash. Është përmbysja e gjithçkaje, në një botë që e ktheu të pamoralshmen në morale, të keqen në të mirë, gënjeshtrën në të vërtetë, të padrejtën në drejtësi.
Si të krishterë duhet ta mbajmë të gjallë besimin, sepse ai na ka mbajtur shpirtërisht dhe mendërisht vigjilentë dhe të matur, si dhe na ka mbrojtur nga fatalitete në jetë, të parikuperueshme.
Bota satanike e materies flet pa fjalë, kryesisht për modë dhe teknologji.
