Kina shprehu “shqetësim të madh” pas zbulimit nga New York Times të planit bërthamor të Biden.
“SHBA përhap retorikën e kërcënimit bërthamor kinez për të fituar përparësi strategjike.”
Kina shprehu shqetësimin e saj të thellë pas zbulimit të gazetës New York Times se SHBA, me urdhër të Joe Biden, miratoi një plan strategjik bërthamor kundër Kinës, si dhe Rusisë, Iranit dhe Koresë së Veriut.
“Shtetet e Bashkuara po përhapin retorikën e kërcënimit bërthamor kinez, duke gjetur pretekste për të kërkuar avantazhin strategjik”, komentoi një zëdhënës i ministrisë së jashtme kineze.
Sipas një artikulli të New York Times, presidenti amerikan Joe Biden miratoi në mars një plan strategjik bërthamor sekret, i cili thekson arsenalin e zgjeruar të Kinës, por gjithashtu synon të përgatisë SHBA-në për provokime të mundshme bërthamore të koordinuara nga Kina, Rusia dhe Koreja e Veriut.
“Kina është thellësisht e shqetësuar për raportin.
Ngjarjet kanë vërtetuar plotësisht se SHBA-ja ka nxitur vazhdimisht të ashtuquajturën teori kineze të kërcënimit bërthamor në vitet e fundit”, tha zëdhënësja e Ministrisë së Jashtme kineze Mao Ning.
Shtëpia e Bardhë sqaroi të martën se plani strategjik bërthamor i miratuar nga Biden këtë vit nuk është një përgjigje ndaj një vendi apo kërcënimi specifik.
SHBA i referohet rregullisht arsenalit bërthamor në rritje dhe forcimit të Kinës.
Një raport vjetor i Pentagonit i publikuar në tetor thoshte se Kina ka më shumë se 500 koka bërthamore të gatshme për përdorim, me numrin që ka gjasa të arrijë në 1,000 deri në vitin 2030.
