“Vijat e kuqe” më të fundit dhe më serioze me Moskën u kaluan këtë javë, pasi Shtetet e Bashkuara vendosën “të lejojnë” Ukrainën të përdorë armët e dhuruara nga ajo dhe vendet e tjera perëndimore, për të goditur objektiva thellë brenda territorit rus.
Plani i Uashingtonit, sipas Rep.Michael McCaul (R-Tex.), siç citohet nga gazetarja Juliegrace Brufke, është të heqë të gjitha kufizimet në përdorimin nga Kievi të ATACM (Sistemi i Raketave Taktike të Ushtrisë) të ofruara nga SHBA. Presidenti Biden konfirmoi se Uashingtoni “po punon për të tani”.
Pothuajse të gjitha vendet e tjera të mëdha perëndimore pajtohen se kalimi i vijave të kuqe famëkeqe të Vladimir Putinit është edhe “i lejueshëm” edhe i arsyeshëm, në dritën e të gjitha aseteve shtetërore dhe metodave kriminale, p.sh. të trafikimit të qenieve njerëzore, të mbrojtura nga vetë ekzistenca e Ukrainës dhe Volodimir Zelenski, Perëndimi vazhdon marshimin drejt katastrofës.
Deri më tani, Perëndimi thjesht ka dërguar armë në Ukrainë dhe ka lënë Zelenskin “të bëjë si të dojë”, për aq kohë që ai nuk i përdor ato për të goditur thellë në territorin rus. Kjo ndryshoi kur Zelenski i ra bilbilit dhe kërkoi që të lejohej të përdorte të gjitha “lodrat” e tij të reja, atje ku është Putin. Padyshim që janë anglezët prapa vetë Zelenskit që organizojnë dhe orkestrojnë gjithçka.
“Deri më tani, Shtetet e Bashkuara i kanë dhënë Kievit rreth 200 miliardë dollarë ose edhe më shumë, në financim për pajisje ushtarake dhe armë”, raporton SHTFplan.com.
Kiev ka kërkuar heqjen e kufizimeve kundër përdorimit të raketave me rreze të gjatë veprimi që nga maji i vitit 2024. Kjo ngre gjithashtu pyetjen, a do të lejonnin SHBA-të që Ukraina të kalonte vijat e kuqe të Rusisë? Për shkak se Uashingtoni i dha Kievit armë me rreze të gjatë, ja dha për t’i përdorur normalisht për një kohë të pacaktuar. Në të kundërt nuk kishte pse ta armatoste Kievin deri në dhëmbë.
Vlen të përmendim këtu se Kanadaja mes kryeministrit të saj, zyrtarisht dhe publikisht ka dhënë lejën për përdorimin e armëve me rreze të gjatë veprimi nga ana e Ukrainës.
A është kaluar vija e kuqe përfundimtare?
Me thënë të vërtetën, Perëndimi ndoshta e kishte planifikuar të gjithë këtë, shumë kohë më parë. Fuqitë perëndimore pretenduan se thjesht po armatosnin Ukrainën për “vetëmbrojtjen” e saj, duke e ditur gjatë gjithë kohës se Zelenski përfundimisht do t’i përdorte ato kundër Rusisë, thellë në territorin rus, në një provokim të madh drejt Luftës së Tretë Botërore.
“Ky duhet të shërbejë si një paralajmërim për SHBA-të”, paralajmëron SHTFplan.com. “Nëse Kievi godet tokën ruse duke përdorur këto armë të dhuruara nga Perëndimi, mund të jetë pika e fundit e shkeljes së vijave të kuqe të Rusisë.”
Sekretari i Shtetit Anthony Blinken njoftoi ndryshimet e politikës këtë javë, gjatë një vizite në Kiev, me David Lammy, homologun e tij britanik.
“Unë fola me Blinken dy ditë më parë dhe ai po udhëton me homologun e tij në Mbretërinë e Bashkuar në Kiev për t’u thënë atyre se ata do të lejohen [të godasin Rusinë me ATACMS]”, konfirmoi McCaul.
Sipas zëdhënësit të Departamentit të Shtetit, Matt Miller, Blinken fluturoi në Kiev “për të treguar mbështetje të vazhdueshme për mbrojtjen e Ukrainës”. Miller nuk përmendi ndonjë ndryshim të politikës, përkundrazi la të kuptohej se nuk bëjnë hapa prapa.
Ajo që bëri Blinken ishte thjesht një “sinjal”, sipas Bloomberg, se Uashingtoni synon të ndryshojë rregullat tani që janë shfaqur raporte, që pretendojnë se Irani e ka furnizuar Rusinë me raketa balistike. Irani, në përgjigje, pretendon se nuk e ka bërë këtë, duke argumentuar se nuk mbështet asnjërën nga palët e konfliktit.
Sa herë që SHBA-ve u nevojitet një justifikim për të dërguar më shumë para ose armë kriminelëve të huaj, ata zakonisht përtypin frazën “Irani po prodhon armë bërthamore”. Në këtë rast, ata e ngritën mendjen duke pretenduar se Irani po dërgon armë bërthamore në Rusi, një avaz i vjetër që përdor Uashingtoni në përpjekje për të nxitur politikën e jashtme.
A do të arrijë ‘Deep State‘ të sjellë mes sulmit një holokaust bërthamor global përpara zgjedhjeve?
Ne do të jemi këtu për ta parë.
Qëndroni të sinkronizuar me kanale dhe platforma të mirëfillta informimi dhe jo me mikrofonët e mediave sistemike, sepse tani vjen momenti kur ngjyra portokalli e semaforit, që simbolizon situatën e sotme, një ditë do të bëhet e kuqe.
