Çfarë thotë një punonjës!
Objekti qiellor bëri bujë kur u përplas me Tokën më 15 shkurt 2013, duke plagosur 1,500 njerëz.
Zyrtarët në Muzeun Historik Shtetëror të Uralit Jugor nuk mund t’u besonin syve kur filloi të ngrihej në mënyrë misterioze një kube që mbronte një pjesë të rëndë të meteorit.
Vizitorët mbetën të habitur ndërsa kapaku filloi të ngrihej vetë, ndërsa admironin pjesën e meteorit Chelyabinsk të ruajtur në muzeun e përmendur.
Objekti qiellor bëri bujë kur u përplas me Tokën më 15 shkurt 2013, duke plagosur 1,500 njerëz.
Vlerësohet të ketë qenë 20 metra i gjerë dhe peshonte rreth 12,000 ton. Teksa u ndesh me shtresën e trashë të ajrit rreth planetit tonë, asteroidi shpërtheu dhe për pak çaste shkëlqeu më shumë se dielli.
Shpërthimi ndodhi mbi rajonin Chelyabinsk dhe ishte aq i fuqishëm sa vala goditëse, rezultoi të thyente dritaret e banesave dhe dëmtoi ndërtesa në disa qytete.
Nëse do të kishte rënë mbi qytetin rus me 1.13 milionë banorë, mund të kishte shkaktuar një numër të madh të vdekurish.
Disa muaj më vonë, shkencëtarët gjetën një meteorit 654kg nga fundi i liqenit Cherbakul.
Mbetet fragmenti më i madh i njohur dhe tani është i ekspozuar në Muzeun Historik Shtetëror të Uraleve të Jugut.
Por në vitin 2019, meteori shkaktoi mjaft bujë kur lëvizi vetë, duke ndezur alarmet e muzeut.
Stafi i muzeut ishte i bindur se ata nuk bënë që kupola të lëvizte, duke çuar në spekulime se ndoshta meteori po tentonte një “arratisje”.
Ayvar Valeev, kreu i marrëdhënieve me publikun në Muzeun Historik Shtetëror të Uraleve të Jugut në Chelyabinsk, tha në atë kohë: “Ne me të qeshur thamë se vëllai i meteoritit Chelyabinsk … i tha përshëndetje shkëmbit tonë hapësinor dhe i yni lëvizi si përgjigje. Përtej të gjitha shakave, rojet tona femra janë ende të shqetësuara me fenomenij”.
Të tjerë kishin frikë se ngritja e frikshme mund të ishte një përpjekje e teknologjisë së lartë për të vjedhur meteoritin ose për të testuar sigurinë.
“Kishte katër motorë elektrikë në skajet e tij. I gjithë ndërtimi është i rëndë. Ekziston një sistem alarmi i lidhur me lartësinë e tij.
Kurrë më parë kupola nuk është ngritur vetvetiu kështu.”
Personeli i sigurisë ka shkuar në vendngjarje dhe ka mbyllur kupolën pasi kanë dëgjuar alarmin.
Drejtori i muzeut, Vladimir Bogdanovsky, tha: “Nuk kemi mundur të konstatojmë arsyen e ngritjes së papritur të kupolës. Ne folëm me të gjithë ekspertët tanë të elektronikës dhe instalimeve elektrike, të cilët njëzëri thanë se ishte e pamundur që ai të hapej vetë”.
Ai vazhdoi: “E megjithatë ndodhi. Menjëherë pas incidentit pyeta veten se çfarë mund të ishte dhe nuk ka asnjë përgjigje deri më sot”.
Një tjetër punonjës i muzeut, Ruslan Safin, hodhi poshtë skenarin se kapaku ishte hequr nga një hajdut i mundshëm duke përdorur një telekomandë, duke shtuar se pajisjet ishin kontrolluar dhe ishin në funksionim normal.
“Vetëm personeli ka akses në telekomandë dhe asnjë nga punonjësit tanë nuk e shtypi butonin”, këmbënguli ai.
Punonjësit e muzeut janë të gjithë “të shqetësuar” lidhur me fenomenin, që është përsëritur dy herë.
Çfarë fusha energjie, apo elektromagnetike mbart meteoriti? Kjo është çështje!
