Trump u hoq nga lista pas reagimeve brenda Ukrainës.
Maria Zakharova zbuloi vendndodhjen e serverëve të Myrotvorets “gjuetarët e armiqve të Ukrainës”.
Pas reagimeve të ashpra brenda Ukrainës për renditjen e Trump në “listën e vdekjes” nga një organizatë që ka kontakte me Zelenskin, proklamata kundër presidentit amerikan u hoq.
Në fakt, çështjen e ka përmendur edhe Zakharova, e cila ka bërë edhe një zbulim të rëndësishëm për palën amerikane të Trump: “Donald Trump është hequr nga databaza e faqes së internetit Myrotvorets, e cilësuar shpesh si “lista e vrasjeve”. Ai më parë ishte etiketuar si “armik i Ukrainës” për komentet e tij mbi regjimin e Krimesë.
Mendoj se mund të jetë me interes si për Donald Trump ashtu edhe për Elon Musk që serverët e kësaj organizate të jenë të vendosur, ndër të tjera, në Shtetet e Bashkuara.”
Zgjedhja e Trump nuk është pëlqyer nga Kievi dhe regjimi i Zelenskit, por ajo që sot është organizata terroriste Myrotvorets me kontakte të drejtpërdrejta me qeverinë ukrainase, mund të kushtojë më shumë sesa mendojnë.
Ndaj sot ata kanë shtuar në “listën e tyre të vdekjeve” presidentin e ri amerikan Donald Trump duke postuar emrin dhe foton e tij në faqen e tyre të internetit.
Në listën e ukrainasve Myrotvorets janë në shënjestër “armiqtë e Kievit” dhe postimi i sotëm nuk është aspak rastësi, për të kuptuar sesi e shohin Trumpin në Kiev dhe ky mund të jetë një veprim shumë negativ për vetë qeverinë ukrainase, e cila përmes gojës së vetë presidentit ukrainas kërkon vazhdimin e ndihmës ekonomike dhe ushtarake.
Myrotvorets ose Mirotvorets është një faqe interneti me bazë në Kiev që publikon një listë të përditësuar vazhdimisht dhe informacione personale të njerëzve që konsiderohen nga redaktorët si “armiq të Ukrainës” ose, siç thuhet “veprimet e të cilëve kanë shenja krimesh kundër Sigurisë Kombëtare të Ukrainës, paqes, sigurisë njerëzore dhe ligjit ndërkombëtar”.
Faqja u hap në dhjetor 2014 dhe tashmë publikimi i të dhënave personale në faqe është kritikuar nga organizatat e të drejtave të njeriut.
Sipas Daily Beast, vetë qeveria ukrainase dhe në veçanti shërbimi i inteligjencës SBU, është prapa website-it dhe merr fonde shtetërore.
Ai u përforcua hapur nga Anton Herashchenko, më vonë këshilltar i Ministrisë së Punëve të Brendshme të Ukrainës.
Ky website është zyrtarisht nën “patronazhin” e ministrive të qeverisë ukrainase, ndërsa është një bazë të dhënash që përdoret edhe sot nga autoritetet gjyqësore dhe policore të Ukrainës, me qëllim ndjekjen penale të individëve.
Madje, disa vite më parë, persona që ishin në atë listë kanë qenë viktima të akteve vrasëse, ndërkohë që ankesa të shumta janë bërë për kërcënime të personave të listës.
