Në orët e fundit, forcat e armatosura ukrainase thuhet se kanë nisur një sulm masiv ajror me mjete ajrore pa pilot në pjesë të ndryshme të Rusisë. Në total, thuhet se janë lëshuar më shumë se 40 dronë dhe një raketë lundrimi.
Ministria ruse e Mbrojtjes raportoi se sistemet e mbrojtjes ajrore të vendit funksionuan në mënyrë efektive, duke përgjuar dhe dedektuar kërcënimet në hyrje.
Shpërthime u dëgjuan në qytetin historik të Kolomna në rajonin e Moskës, ku dy dronë kamikaze ukrainas u rrëzuan para pak orë, sipas mediave lokale, por nuk ka viktima.
Sulmet e Ukrainës në rajonet Belgorod dhe Voronezh, të cilat janë në një distancë më të shkurtër nga brendësia e Ukrainës, duket se kanë qenë më shkatërruese.
Videot dhe fotot e postuara në internet tregojnë dëmtime të infrastrukturës industriale në këto dy rajone ruse. Dronët ukrainas synonin fabrikat, infrastrukturën e prodhimit dhe industritë në Rusi.
Sipas burimeve lokale, nuk ka pasur viktima, por fabrikat në zonë kanë pësuar dëme të rënda.
Guvernatori i Belgorod, Vjaçeslav Gladkov tha se ndër objektivat e sulmit ukrainas ishte qyteti Alekseivka. Në veçanti, rrënojat e një droni ukrainas ranë atje, pasi ai u rrëzua. Mbeturinat ranë mbi një fabrikë dhe sjkaktuar zjarr.
Sulmi ajror ukrainas shkaktoi ndërprerje të energjisë në Belgorod, shtoi guvernatori i rajonit kufitar rus. Autoritetet ruse aktualisht po punojnë për riparimin e dëmit dhe rivendosjen e energjisë elektrike.
Një tjetër fabrikë në Belgorod është sulmuar nga 5 dronë ukrainas dhe për pasojë është përfshirë edhe në flakë. Zjarrfikësit dhe shërbimet e emergjencës ruse kanë shkuar në vendngjarje.
Ukrainasit lëshuan gjithashtu një raketë Cruise.
Më në fund, në një dukuri të rrallë, forcat e armatosura ukrainase thuhet se kanë lëshuar një raketë misterioze në orët e fundit në drejtim të qytetit Novoshakhtinsk, në rajonin rus Rostov.
Deri më tani, lloji i saktë i raketës nuk është zbuluar, por shumë besojnë se sulmi mund të jetë kryer me një armë perëndimore, me rreze të gjatë veprimi.
Kujtojmë se pak orë më parë presidenti ukrainas Volodimir Zelenski tha se Ukraina tani ka një numër të madh raketash të modernizuara, të prodhimit vendas, të lundrimit Neptun. Këto armë besohet se shfaqin një rreze zjarri deri në 400 kilometra.
Në fund, duhet të theksojmë se nuk dihet nëse mbrojtja ajrore ruse ka arritur ta rrëzojë këtë raketë misterioze mbi Rostov.
Në një përditësim më të fundit, raketa reziltoi të ishte një hije e Storm-it britanik me rreze maksimale prej 550 kilometrash.
