Një burrë 71-vjeçar është rasti i parë i virusit kinez, vajza e të cilit ka udhëtuar në Kinë për pushime gjatë festave të fundvitit.
Në Selanik u regjistrua rasti i parë i konfirmuar me virusin kinez HMPV!
Sipas raportit të kanalit OPEN, bëhet fjalë për një 71-vjeçar, vajza e të cilit ka udhëtuar në Kinë për pushime gjatë festave të fundvitit dhe pak ditë pas kthimit, babai i saj ka shfaqur simptomat e para.
Fillimisht shkoi në një klinikë private, më pas më 3 janar u shtrua në spitalin Papanikolaou, ku ishte në shërbim dhe ka një prej klinikave më të mira të mushkërive në Greqi. Ditën e shtunën iu nënshtrua një testi PCR dhe të hënën rezultatet treguan se ai është pozitiv për virusin HMPV.
Deri atëherë, burri ishte i shtruar në Klinikën e Parë të Pneumologjisë në një pavion me dy pacientë të tjerë, por sapo u mor vesh se ishte mbartë i virusit, ai u transferua në izolim, ndërsa pacientët dhe të afërmit e tyre që ndodheshin në të njëjtin pavion u njoftuan se vizitat ishin ndërprerë.
Në përditësimin më të fundit thuhet se të martën 71-vjeçari është përkeqësuar dhe është parë e nevojshme transferimi i tij në Klinikën e Pulmologjisë B, ndërkohë që në të njëjtën kohë vijon proçesi i gjurmimit të rastit.
