“Tani po paguajnë çmimin fundor!”
Presidenti i sapozgjedhur i SHBA-ve (do të betohet më 20 janar) Donald Trump, zbuloi se zjarret shkatërruese në Kaliforni janë faji i guvernatorit të saj, Gavin Newsom, i cili “zgjodhi të shpëtonte një specie peshqish” në vend që të dërgonte ujë në jug të shtetit!
Sipas presidentit të ardhshëm të SHBA-ve, G. Newsom bllokoi transferimin e më shumë uji nga veriu në jug, në zonat e goditura nga thatësira, që aktualisht po digjen.
Sipas Trump, G. Newsom nuk lejoi transferimin e ujit sepse “ai donte të mbronte një peshk thelbësisht të padobishëm. Kështu ai nuk u interesua aspak për njerëzit në Kaliforni”.
“Tani po paguajnë çmimin! Unë do të kërkoj që ky guvernator i paaftë të lejojë që në Kaliforni të rrjedhë ujë i bukur, i pastër dhe i freskët! Për më tepër, nuk ka ujë për hidrantët e zjarrit, as edhe për avionët zjarrfikës. Një fatkeqësi e vërtetë”, ka shkruar Trump në platformën Truth Social.
Trump ka denoncuar prej kohësh devijimin e furnizimeve me ujë nga qendra kryesore e ujit të Kalifornisë, Delta e lumit Sacramento, për fermerët e goditur nga thatësira.
‼️???????????? The massive fires turned Los Angeles into an '80s movie intro. #Pasadena pic.twitter.com/0iADAgOmJf
— Maimunka News (@MaimunkaNews) January 8, 2025
Por planet e tij u përballën me rezistencë nga grupet mjedisore, të cilët argumentuan se ato do të ndikonin në mënyrë shkatërruese mbi popullatën e peshkut që ishte jetik për ekosistemin e Kalifornisë, por që në thelb ky lloj peshku është zhdukur, sipas New York Post.
Donald Trump fillimisht premtoi ta ridrejtojë ujin nga Kalifornia veriore drejt jugut të saj, për të mirën e fermerëve, gjatë mandatit të tij të parë dhe deri në vitin 2020. Por, disa ditë më vonë pasi deklaroi diçka të tillë, Guvernatori Newsom i Kalifornisë e paditi për të bllokuar masën e Trump dhe arriti të kufizonte sasinë e uji që mund të pompohej nga delta e lumit Sacramento.
