“Sekreti” që shpëtoi rezidencën luksoze është materiali i veshjes së jashtme.
Shumë histori po dalin për zjarret në periferi të Los Anxhelos.
Arkitekti Greg Chasen postoi foto të një shtëpie në zonën Palisades që ai projektoi, duke shkruar: “Nuk ka fjalë, është veçse një shfaqje horror. Disa nga zgjedhjet e materialeve të strukturës së jashtme të godinës që bëmë këtu, ndihmuan. Por ne ishim edhe shumë me fat”.
Siç thotë Chasen, “sekreti” që shpëtoi rezidencën luksoze është materiali i veshjes së jashtme, i cili nuk është gjë tjetër veçse një lloj tulle zjarri, por jo vetëm kaq.
“Nuk ka strehë dhe dritaret janë prej xhami me rezistencë të lartë ndaj zjarrit.”
Gjithashtu, sipas arkitektit të shtëpisë, një tjetër element jashtëzakonisht i rëndësishëm i rezistencës ndaj zjarrit të ndërtesës është projektimi i çatisë me tjegulla pa zbrazëtira në mbikalime: “Qapatat janë hallka më e dobët kur bëhet fjalë për zjarrin. Shtëpitë mund të kenë çati me pllaka “rezistente ndaj zjarrit”, por nëse streha është e ekspozuar, hiri i nxehtë mund të futet lehtësisht nën çati dhe të ndezë hapësirën e papafingos. Shumica e kontraktorëve kursejnë në mbylljen e qepatave, gjë që do të parandalonte përhapjen e shpejtë të zjarreve”, thotë ai, duke postuar një vizatim përkatës.
“Ju keni një perimetër të pastër, pa pemë, përveç të mbjellave të ulta. Ju keni parashikuar një çati dhe mur anësor rezistent ndaj zjarrit. Ju keni një mur mbajtës të bërë me tulla zjarrduruese dhe llaç. Të gjitha këto janë masa mbrojtëse të mira kundër zjarrit.”
“Nuk ishte aspak çështje fati”, komenton një tjetër përdorues, “dhe e sigurtë është se pas fatkeqësisë biblike, mënyra e ndërtimit të shtëpive do të ndryshojë, duke parashikuar mundësinë e një zjarri shkatërrues”.
