Tre ishuj të tjerë japonezë tronditen nga tërmeti.
Një tërmet me magnitudë 6.4 goditi pranë bregut juglindor të ishullit japonez Kyushu, me lëkundje të ndjera në disa zona, përfshirë Osakën.
Sipas Agjencisë Meteorologjike të Japonisë, tërmeti u regjistrua në orën 21:19 me orën lokale dhe epiqendra ishte në një thellësi prej 30 kilometrash nën ujë.
Lëkundjet e forta që pasuan “tronditën” tre ishuj të tjerë, pikërisht ishullin Kyushu, ishullin Shikoku dhe një zonë ishullore pranë qytetit të Hiroshimës. Gjithashtu, tërmeti është ndjerë edhe në Osaka, siç raportojnë mediat japoneze.
Theksohet se një paralajmërim për cunami deri në 1 metër është lëshuar për bregun lindor të ishullit Kyushu dhe bregun jugor të ishullit Shikoku.
Në të njëjtën kohë, ka pasur një paralajmërim për valët e baticës deri në 20 centimetra për ishujt Amami, Tokara, Tanegashima, Yakushima dhe disa zona të ishullit Honshu.
Aktualisht nuk ka të dhëna për viktima apo dëme, por aparati shtetëror japonez është në gatishmëri për çdo eventualitet.
