Zëvendës-Presidenti amerikan delegjitimoi shumicën dërrmuese të sistemit ekzistues politik europian.
Gjithçka që qytetarët europianë do të donin të thoshin, nuk munden sepse sistemi i ndalon të shprehen publikisht, u tha nga zv.presidenti amerikan J.D. Vance, duke kulmuar me denoncimin e tij të prerë se BE-ja tani kontrollohet nga një regjim totalitar, antidemokratik.
Sepse kur nuk ka liri të fjalës, nuk ka demokraci, prandaj ka totalitarizëm (është logjikë e thjeshtë).
Kur mungojnë fjalët, atëherë mungojnë mendimet.
Ajo që ai tha është ajo që mendojnë dhe duan të shprehin qindra miliona qytetarë në BE, por nuk kanë mediat e tyre për ta bërë këtë.
Përveç faktit se janë të përjashtuar nga mediat e kontrolluara, rrezikojnë edhe pasoja të rënda penale nëse shprehen publikisht se demokracia është çmontuar, pasi liria e shprehjes është ndaluar.
Duhej një njeri me fuqi të madhe si zv.presidenti amerikan, i cili mund të thoshte atë që donte të shprehte një person mesatar, pa u përballur me pasoja të rënda për mendimet dhe fjalët e tij.
Kjo është arsyeja pse konklava e Brukselit u zemërua nga fjalimi i djeshëm i J.D. Vance, sepse e di se fjalët, kur dëgjohen, aktivizojnë mendimet dhe këto nga ana e tyre krijojnë veprime.
Gjatë administratës së Bidenit, konklava e Brukselit u përpoq dhe ia doli kryesisht të përjashtonte pikëpamjet që ishin kundër politikave të saj.
Në fakt, pasi hoqi lirinë e fjalës, BE-ja arriti edhe të padëgjuarin deri më tani, të anulojë zgjedhjet në një vend të BE-së, në Rumani.
J.D.Vance i tha të gjitha këto qartë, duke dërguar një mesazh shumë të rëndësishëm në radhë të parë për popujt europianë dhe në radhë të dytë për lidershipin autoritar europian: “Ju nuk jeni legjitimë!”
Në fakt ai dha “sinjalin” për fillimin e procesit të “shkrirjes” së sistemit aktual politik europian nga vetë banorët e Europës.
Ajo që ai tha dje është zbuluese dhe vendimtare:
“Kërcënimi, për të cilin jam më i shqetësuar, me të cilit përballet Europa, nuk është Rusia, nuk është Kina, nuk është ndonjë faktor tjetër i jashtëm.
Ajo që më shqetëson është kërcënimi nga brenda. Tërheqja dhe distancimi i Europës nga disa prej vlerave të saj më themelore dhe vlerat e përbashkëta me SHBA-në”, tha J.D. Vance.
“Në Britani dhe në të gjithë Europën, liria e fjalës, kam frikë se është në rënie”, tha nënpresidenti amerikan.
“Nga të gjitha sfidat me të cilat përballen kombet e përfaqësuara këtu në Konferencën e Mynihut, besoj se nuk ka asnjë më urgjente, sesa migrimi masiv”, theksoi ai.
“Nuk duhet të kemi frikë nga njerëzit, edhe kur ata shprehin pikëpamje që nuk pajtohen me udhëheqjen e tyre”, vazhdoi Vance.
“Ju nevojiten mandate demokratike për të arritur diçka me vlerë në vitet e ardhshme. Nëse kemi mësuar diçka në vitet e fundit, është se mandatet e dobëta prodhojnë rezultate të paqëndrueshme.
Asnjë votues në këtë kontinent nuk shkoi në kutitë e votimit për të hapur portat për miliona emigrantë të pakontrolluar.
Por a e dini se për çfarë votuan në Angli? Ata votuan për Brexit dhe ratë ju dakord apo jo, ata votuan për të. Dhe gjithnjë e më shumë në të gjithë Europën, ata po votojnë për liderët politikë që premtuan t’i japin fund emigracionit të pakontrolluar”, vazhdoi ai.
Shembulli kryesor i J.D. Vance për kërcënimin e brendshëm ishin zgjedhjet e anuluara së fundmi në Rumani.
Në dhjetor, Gjykata e Lartë e Rumanisë anuloi zgjedhjet presidenciale pas akuzave për ndërhyrje ruse dhe vendosi se i gjithë procesi, i cili do të përfundonte këtë fundjavë, do të duhej të përsëritej.
“U habita që një ish komisioner europian doli së fundmi në televizion dhe dukej i lumtur që qeveria rumune sapo kishte anuluar një proçes të tërë zgjedhor”, tha Vance.
Dokumentet e deklasifikuara nga Këshilli Suprem i Sigurisë i Rumanisë, përpara anulimit të zgjedhjeve thanë se vendi ishte objektiv “i sulmeve hibride agresive ruse” në një periudhë zgjedhjesh të njëpasnjëshme.
“Tani, siç e kuptoj unë, argumenti ishte se dezinformimi rus kishte njollosur zgjedhjet rumune, por unë do t’u kërkoja miqve të mi europianë të kishin një perspektivë tjetër”, komentoi zv.presidenti amerikan.
“Nëse demokracia juaj mund të shkatërrohet nga disa reklama dixhitale 100,000 dollarë nga një vend i huaj, atëherë nuk qënka e vështirë për të filluar dhe bërë të tjera”, shtoi e sarkazmë ai.
“Të shprehurit e mendimeve nuk përbëjnë ndërhyrje në zgjedhje, edhe nëse ai person ka ndikim të madh. Nëse ne i mbijetuam të paktën 10 vite predikimit të Greta Thunberg, ju europianët mund t’i mbijetoni Elon Musk-ut”, komentoi ai “me humor”, siç tha vetë Vance.
Presidenti amerikan deklaroi të qartë: Askush nuk mund të gjykojë se çfarë është e drejtë apo e gabuar që qytetarët të dëgjojnë, lexojnë apo shohin.
Vetëm qytetarët vendosin për vlefshmërinë e mesazhit që marrin dhe nëse ai i përfaqëson ata.
Dhe sigurisht që opinioni nuk mund të konsiderohet ndërhyrje në zgjedhje, aq më tepër që VETËM opinionet e sistemit dëgjohen nga mediat tradicionale dhe promovohen vazhdimisht politika të caktuara.
Ajo që pretendon konklava e Brukselit është se një pikëpamje e kundërt e dëgjuar diku në rrjetet sociale shkatërron propagandën e saj të orkestruar, e cila transmetohet nga kudo, çdo ditë dhe në çdo moment!
Por nëse shpërbëhet kaq lehtë, atëherë kjo do të thotë se qytetarët mendojnë se kjo politikë duhet të ndryshojë.
Kjo ka ndodhur edhe në SHBA. Të gjitha mediat ishin kundër Donald Trump gjatë zgjedhjeve, por ai e përhapi mesazhin e tij përmes… podkasteve dhe qytetarët e zgjodhën pa hezitim dhe e votuan, duke i dhënë një fitore triumfuese ndaj një sistemi autoritar ndërkombëtar, siç rezulton.
