Si i komenton tërmetet profesori që paralajmëroi një tërmet në Stamboll që në verë?
Turqia po jeton sërish me frikën e njohur të tërmetit, pasi zinxhiri i lëkundjeve sizmike në rajonin e Marmarasë nxjerr në sipërfaqe parashikimet më ogurzeza të ekspertëve, me shkencëtarët që paralajmërojnë se nuk ishte tërmeti i madh.
Tashmë që nga dhjetori, profesori i gjeologjisë Dr.Naci Görür kishte dhënë alarmin kur një tërmet me magnitudë 4.4 goditi zonën. Shqetësimi i tij nuk ishte për vetë tërmetin, por për pasojat që do të kishte për zonën e pambrojtur të Marmarasë.
“Ky tërmet pak a shumë do të prekë pjesën e thyerjes që pritet të çahet në Marmara”, tha ai.
Pas valës së fundit të lëkundjeve, profesori u rikthye duke thënë se “Fraja e Kumburgazit në Detin Marmara në Stamboll ka shumë tërmete. Ata janë të përmasave të ndryshme. Këto nuk janë tërmetet më të mëdha që presim në Marmara. Ata rrisin presionin që krijohet në këtë pllakë. Me fjalë të tjera, e detyrojnë atë të thyhet. Tërmeti i vërtetë këtu do të jetë më i madh dhe mbi 7 ballë”.
“Tërmetet janë një temë shumë e rëndësishme për të folur kur ndodh një tërmet. Kur nuk ka tërmet, duhet të flasim për ta dhe të marrim masa paraprake. Para së gjithash, qeveria, pastaj bashkia dhe njerëzit duhet të punojnë së bashku për të përgatitur qytetin për një tërmet. Transformimi dhe ndërtimi urban nuk janë gjëra që e përgatisin qytetin për një tërmet. Një qytet me rezistentë, ndaj tërmeteve dhe përballimi i tyre është diçka krejtësisht tjetër.
Populli tani duhet të bëjë atë që është e nevojshme. Ajo që duhet të bëjnë është monitorimi dhe kontrolli”.
Profesori i sizmologjisë Ziyadin Çakır shpjegon se lëkundjet e fundit nuk kanë ndodhur në pikën ku pritet tërmeti i madh, por ky aktivitet sizmik po rëndon rajonin: “Tërmeti ndodhi afërsisht 30 kilometra larg nga pika ku pritej tërmeti i madh”.
Nga ana e tij, profesori Zafer Akçığ shton se “tërmeti është ndjerë edhe në Izmir. Është e rëndësishme se ku do të transferohet energjia nga këtu e tutje. Tani nëse do të shkojë drejt Stambollit apo jo, për këtë do të punojnë sizmologët. Ekzaminimi do të bëhet duke përdorur të dhënat satelitore”.
