Mijëra banorë në lagjen Bahçeli kanë ngritur çadra dhe po qëndrojnë jashtë.
Më shumë se 120 pasgoditje janë regjistruar në Stamboll, pas tërmetit me magnitudë 6.2 që goditi pasditen e së mërkurës.
Ky numër, deri në orën 19:00 me orën lokale.
Në të njëjtën kohë, sizmologu Gerasimos Papadopoulos nuk e përjashton skenarin që edhe rajoni grek të mund të preket nga thyerja e Anadollit të Veriut.
“Për momentin nuk na kërcënon” dhe këtë e them (që tërmeti nuk kërcënon Greqinë) për dy arsye. E para është se që të ndodhë ky ngacmim dinamik, siç ishte tipik ai i tërmetit të vitit 1999, nevojiten magnituda më të mëdha. “Tërmeti nuk ishte mjaftueshëm i madh.”
“Nga ana tjetër, ne e dimë se çarja e Anadollit të Veriut që kalon përmes Detit Marmara dhe aktivizoi tërmetin e sotëm, vazhdon dhe degëzohet në Egjeun e Veriut. Është e mundur që kjo lëvizje në afat të mesëm të stimulojë thyerjet në Egjeun e Veriut. Është një mundësi e hapur, nuk mund të themi asgjë me siguri”, shpjegon sizmologu.
Kur u pyet nëse tërmeti 6.2 Rihter është tërmeti kryesor në pllakë, Gerasimos Papadopoulos tha: “E vërteta është se zona ka një histori tërmetesh të mëdha, siç ishte tërmeti vdekjeprurës i vitit 1999. Prandaj, priten tërmete më të forta në të ardhmen, gjë që është matematikisht e sigurtë. Pra, ky nuk është tërmeti i madh, një më i madh është i pashmangshëm.”
Sipas Televizionit shtetërot grek ERT, mijëra banorë në rajonin e Bahçelit kanë ngritur çadra dhe po qëndrojnë jashtë për t’u mbrojtur nga lëkundjet e mundshme të forta, ndërsa deri në orët e vonëta të narës janë regjistruar mbi 130 pasgoditje, me intensitetin më të lartë ndër to, tërmet tjetër të shkallës 4.5 të shkallës Rihter.
