Raportime se mbrojtja ajrore iraniane është aktivizuar.
Një raund i ri sulmesh izraelite po zhvillohet aktualisht kundër Teheranit dhe portit Bandar Abbas.
Në veçanti, media shtetërore iraniane raporton se mbrojtja ajrore iraniane është aktivizuar rreth portit strategjik Bandar Abbas, si dhe kryeqytetit Teheran.
“Mbrojtja ajrore në Bandar Abbas është aktivizuar për t’iu kundërvënë mikro-dronëve”, raportoi televizioni shtetëror, pa dhënë detaje të mëtejshme.
???????????????? | Irán activa su defensa aérea en la ciudad de Bandar Abbas ante posible amenaza. pic.twitter.com/d1Llpcy7KC
— Visegrád24 (ES) (@visegrad24es) June 14, 2025
“Në orën e fundit, 10 avionë izraelitë u rrëzuan në zona të ndryshme” të vendit, raportoi më parë televizioni iranian.
Një zëdhënës ushtarak izraelit tha se “në këtë kohë, po godasim rëndë Iranin”.
Irani do të nisë sulme të fuqishme ndaj Izraelit brenda pak orëve të ardhshme, raportoi televizioni shtetëror iranian.
Një zëdhënës ushtarak izraelit tha më parë se sulmet iraniane nuk kanë mbaruar dhe se Irani ka ende një arsenal të aftë për të shkaktuar dëme në Izrael.
Zëdhënësi theksoi udhëzimet e sigurisë publike, të tilla si mbyllja e shkollave. Ato do të mbeten në fuqi deri në orën 8 të mbrëmjes të së dielës.
Ndërkohë, një këshilltar i lartë i Ajatollah Ali Khameneit, Ali Shamkhani, vdiq nga plagët e pësuara në sulmet ajrore izraelite të së premtes, raportuan mediat shtetërore iraniane.
