Të gjithë po presin nga Teherani si do të reagojë. Teksa një pjesë e rëndësishme e tyre mendojnë nëse do të ekzistojë pas pak javë apo jo, nëse reagon në gjaknxehtësi.
Herët, të dielën në mëngjes, më 22 qershor, udhëheqësi suprem i Iranit, Ajatollah Ali Khamenei, tha në një mesazh të postuar në llogarinë e tij zyrtare se, “amerikanët duhet të presin dëme më të mëdha dhe goditje më të rënda se kurrë më parë”.
Megjithatë, gjëja më e rëndësishme është se mesazhi i tij filloi me arkivole me flamuj amerikanë, ndërsa deklarata e tij ishte e qartë: “SHBA-të po hyjnë në luftë dhe kjo do të thotë se do të ketë 100% pasoja të dëmshme”.
BREAKING: Iran’s Supreme Leader Ayatollah Ali Khamenei’s Official website just posted:
— Sulaiman Ahmed (@ShaykhSulaiman) June 22, 2025
“The US entering war is 100% to its own detriment
From Imam Khamenei's second televised message to the Iranian nation on June 18, 2025” pic.twitter.com/DwmBb32rpT
Irani ka një arsenal të madh raketash balistike, rezultat i viteve të tëra zhvillimi dhe mbajtjes sekret me kujdes të këtij informacioni.
Irani ka një listë prej rreth 20 bazash amerikane në të gjithë Lindjen e Mesme që i konsideron si objektiva të mundshme.
Një sulm i koordinuar me raketa apo edhe një “sulm i shpejtë” me dronë dhe motoskafë kundër njësive detare amerikane në Gjirin Persik, mund të dërgojë mesazhin e vendosmërisë të Teheranit. Por një skenar i tillë mbart një rrezik të lartë, të një lufte të përgjithshme dhe goditjesh të mëtejshme shkatërruese për Iranin.
