Faza e parë synon të zhvillojë investime në turizëm, por do të pasojnë edhe punime të tjera.
Do të jetë afër kufirit me Libinë.
Katari, aleati strategjik i Turqisë, tani po blen prona në bregdetin lindor të Mesdheut pasi bleu tokë egjiptiane në bregdetin e vendit të Afrikës së Veriut pranë kufirit me Libinë.
Egjipti dhe Katari nënshkruan sot një marrëveshje bashkëpunimi për zhvillim banesash luksoze dhe infrastrukture turistike në bregdetin mesdhetar të Egjiptit, si pjesë e angazhimit të Dohas ndaj Kajros për investime prej 7.5 miliardë dollarësh, por ky është vetëm fillimi.
Kryeministri egjiptian Mostafa Madbouly tha në një ceremoni nënshkrimi të mbajtur në Kryeqytetin e Ri Administrativ të Egjiptit se, Katari do të paguajë fillimisht 3.5 miliardë dollarë në dhjetor për tokën që do të ndahet për projektin Alam Al-Rum.
Pagesa për tokën është pjesë e një investimi prej 29.7 miliardë dollarësh nga Qatari Diar, dega e pasurive të paluajtshme e fondit sovran të pasurisë së Dohas, në projekt, i cili do të përfshijë rezidenca luksoze dhe infrastrukturë turistike, kryesisht fusha golfi dhe marina dhe investime të tjera (?) në një shtrirje bregdetare të pazhvilluar prej 7km, rreth 480km në veriperëndim të Kajros.
3.5 miliardë dollarët do të përdoren për të ulur borxhin dhe për të përmirësuar treguesit ekonomikë të Egjiptit, tha për Reuters, Ministri i Financave i Egjiptit, Ahmed Kuchuk.
Egjipti gjithashtu do të marrë njësi banimi me vlerë rreth 1.8 miliardë dollarë dhe 15% të fitimeve të projektit, sapo Diar të rikuperojë kostot e investimit, tha Madbouly.
Qëllimi strategjik: Tërheqja e investimeve të huaja
Egjipti ka kërkuar prej vitesh të tërheqë investime të huaja, veçanërisht nga vendet e pasura të Gjirit, ndërsa përballet me një borxh të madh të jashtëm dhe një deficit buxhetor në zgjerim.
Fondi Monetar Ndërkombëtar ka shpërndarë para në bazë të një rishikimi 2-vjeçar për shkak të një vonese në një investim të Katarit, që Kajro i kishte thënë FMN-së se do të përfundonte deri në qershor, thanë dy burime financiare.
Madbouly i tha konferencës se negociatat me Diar kishin qenë “të gjata dhe të vështira”.
Aksionet ekzistuese të Katarit në Egjipt përfshijnë hotelin dhe apartamentet St. Regis Cairo dhe CityGate dhe NEWGIZA – zhvillime banimi të planifikuara në periferi të Kajros.
Investimi i Katarit shihet si një homolog strategjik i zhvillimit në Ras al-Hekma në Emiratet e Bashkuara Arabe, që u nënshkrua shkurtin e kaluar.
Ministri i Strehimit Sherif el-Serbini i tha Reuters në kuadër të ceremonisë së nënshkrimit, se zhvillimi në Ras el-Hekma po “shkonte mirë” dhe se kompania e ndërtimit kishte marrë në zotërim tokën, kishte zhvilluar pajisjet mekanike dhe kishte filluar punën në projektim, duke mohuar se kishte pasur ndonjë vonesë.
