“Ndoshta nëse një parti tjetër do të kishte marrë pushtetin, grekët nuk do të ishin tradhtuar!”
Patriarku Kirill i Moskës dhe i gjithë Rusisë nisi një sulm të ashpër për herë të parë kundër “elitës politike greke” dhe Greqisë në veçanti, duke folur për situatën në vend, në festivalin botëror të të rinjve që mbahet në Rusi.
“Çdo ortodoks që njeh historinë iu qaset me trishtim ngjarjeve në Greqi. Nga bota greke, nga Perandoria Bizantine, ne morëm besimin tonë (duke iu referuar të dërguarve misionarë të Kostandinopojës, Shenjtorëve Kirill dhe Metodi që i kristianizuan rusët). Grekët janë vëllezërit tanë në Besim. Në fund të fundit, ne e morëm besimin tonë nga Bizanti.”
Ai e karakterizoi Greqinë si “trashëgimtaren kulturore të Perandorisë Bizantine që humbi identitetin e saj shpirtëror dhe lirinë shpirtërore kur populli i saj u tradhtua nga elitat politike. Një tradhti që çoi në humbjen e sovranitetit të saj” (duke nënkuptuar marrëveshjet financiare që gjunjëzuan ekonomikisht Greqinë).
Dhe ai i referohet qeverisë aktuale greke të Nes Dimokratia, duke vënë në dukje: “Ndoshta, nëse një parti tjetër do të kishte marrë pushtetin, kjo nuk do të kishte ndodhur”!
Raportet kundër qeverisë Mitsotakis nga ana e udhëheqësit shpirtëror të kishës më të madhe ortodokse në planet, janë të paprecedent dhe vijnë pas sulmit të përfaqësueses së Ministrisë së Jashtme ruse, Maria Zakharova, kundër qeverisë greke.
Me kërcënime të drejtpërdrejta për Greqinë pasi ka siguruar sasi të mëdha pajisjesh për Ukrainën dhe regjimin e Zelenskit, “që rezultoi në vdekjen e fëmijëve dhe civilëve rusë dhe në fakt këto armë goditën popullatat greke” (nënkupton popullatat greqishtfolëse në Krime, Kherson, Zaporizhia dhe Donbas).
Ai është aktualisht Primati i Kishës Ortodokse Ruse, që nga shkurti i vitit 2009, ndaj deklaratat e tij nuk janë asfare rastësi.
