Tentativë vrasjeje nga ukrainasit, raportojnë mediat ruse.
Një alarm u dha në Moskë kur shpërtheu makina e një shkencëtari rus që zhvillon teknologji për ushtrinë ruse, të cilat përdoren edhe në luftën e Ukrainës.
Sipas Visegrád 24, një Land Cruiser Prado, që i përkiste një doktori 41-vjeçar të shkencave fizike dhe matematike, një ekspert në elektronikën kuantike, i cili punon në institutin kërkimor Polus (një degë e Rostec), u hodh në erë në kryeqytetin rus.
Askush nuk u lëndua në shpërthim, as nuk kishte njeri në makinë në atë kohë, pasi shkencëtari e kishte lënë atë jashtë institutit ku punon, pasi ishte në një udhëtim jashtë vendi.
Sipas mediave ruse, ky mund të jetë një atentat nga Ukraina sepse “Polus” është subjekt i sanksioneve perëndimore, pasi zhvillon sisteme ushtarake lazer, përfshirë lazerin LCD-4-1 për përcaktimin e objektivave dhe matjen e distancës, i cili përdoret nga artileria dhe aviacioni rus.
