Dronët detarë të shërbimit të sigurisë ukrainase goditën sot çisternën Dashan, e cila i përket “flotës hije” ruse, ndërsa ajo po lëvizte me një transmetues të mbyllur brenda ZLE-së ukrainase.
Dronët detarë ukrainasë të tipit Sea Baby goditën çisternën ruse Dashan në Detin e Zi, sipas burimeve të Shërbimit të Sigurisë Ukrainase të cituara nga Ukrainska Pravda.
Nga ana e tyre, ukrainasit pretendojnë se Dashan pësoi dëme serioze, ndërsa materiali vizual i publikuar nga ana e tyre tregon shpërthime në pjesën e pasme të anijes.
U drejtua për në Portin Rus.
Çisterna me flamur Komorian po lëvizte me shpejtësi të lartë përmes ZEL-së së Ukrainës dhe po shkonte drejt terminalit Novorossijsk. Transponderi i saj u çaktivizua, një praktikë që është dokumentuar si e zakonshme në anijet e “flotës hije” ruse. Operacioni ofensiv u krye nga Drejtoria e 13-të Kryesore e Kundërzbulimit Ushtarak të Shërbimit të Sigurisë Ukrainase dhe Marinës Ukrainase.
Sipas llogaritjeve ukrainase, vlera e anijes vlerësohet në rreth 30 milionë dollarë, ndërsa ajo potencialisht mbante një ngarkesë me produkte nafte me vlerë deri në 60 milionë dollarë. Dashan ishte tashmë nën sanksione nga BE, Mbretëria e Bashkuar, Kanadaja, Australia dhe Zvicra.
Sulmi i tretë kundër “flotës në hije”.
Siç raportohet nga një burim i mirëinformuar i Shërbimit të Sigurisë Ukrainase, Dashan është çisterna e tretë e flotës që është shënjestruar nga Sea Babies ukrainas. Më 29 nëntor, dronët ukrainas të të njëjtit lloj kishin goditur dy çisterna të tjera nën sanksione, Kairo dhe Virat, gjithashtu në Detin e Zi.
Pritet kunërpërgjigje e ashpër nga Rusia.
