Elon Musk kritikon veprimin arbitrar gjyqësor të motivuar politikisht.
Prokurorët e Parisit thonë se janë krime të rënda.
Elon Musk është kundërpërgjigjur pas bastisjes në zyrat e X nga ana e Francës, duke e quajtur atë një “veprim arbitrar gjyqësor të motivuar politikisht”.
Zyra e prokurorit të Parisit po heton platformën për ndryshime algoritmi, nxjerrje të paligjshme të të dhënave, pornografi të fëmijëve dhe deepfake seksuale. Musk ka akuzuar hetimin se është publikuar për “qëllime të paligjshme politike”.
Nga ana e saj, Ministria e Jashtme franceze i përshkroi akuzat si “teatër politik”, duke vënë në dukje se hetimi ka të bëjë me vepra të rënda penale dhe jo me motive politike.
Zyra e prokurorit e ka thirrur Musk-un për të dëshmuar më 20 prill. Hetimi, i cili filloi pas një ankese nga një deputet francez, është zgjeruar për të përfshirë bashkëpunimin e mundshëm në shpërndarjen e imazheve të të miturve, si dhe përmbajtjen e rreme me natyrë seksuale.
Në një deklaratë, zyra e prokurorit theksoi se procesi “synon të garantojë pajtueshmërinë e Platformës X me ligjin francez”, ndërsa Europol mori pjesë në hetim.
