Kjo është hera e parë që një bazë ajrore amerikane është nxjerrë përkohësisht nga shërbimi gjatë kohës së luftës, diçka që nuk ka ndodhur kurrë as në Luftën e Dytë Botërore.
Baza e Forcave Ajrore Barksdale në Luiziana, në Bossier Parish, jo shumë larg Shreveport, u sulmua nga një mori dronësh gjatë javës së 9 marsit, raporton asiatimes.com.
Sipas dokumenteve konfidenciale të Forcave Ajrore Amerikane, dronët nuk ishin modele komerciale. Ata kishin rezistencë ndaj bllokimit, lidhje të avancuara kontrolli me rreze të gjatë dhe sinjale komunikimi jo-komerciale.
Sulmi ndërpreu ngritjet e avionëve B-52H në mbështetje të Operacionit Epic Fury kundër Iranit.
Analistët amerikanë besojnë se operatorët ndoshta po testonin përgjigjet e sigurisë së bazës, pasi dronët fluturonin qëllimisht mbi zona të ndjeshme, siç është pista.
Inkursionet përkuan me fillimin e operacionit amerikan “Epic Fury” kundër Iranit. Pamje të ngjashme u raportuan në të njëjtën kohë mbi vende të tjera strategjike, siç është Fort McNair në Uashington.
Deri më tani, autoritetet nuk kanë identifikuar operatorët ose origjinën e dronëve, ndërsa hetimet nga FBI dhe FAA janë duke vazhduar.
Barksdale është qendra e komandës për Komandën Globale të Sulmit të Forcave Ajrore Amerikane. Jo vetëm që B-52 janë të bazuara atje, por baza është pjesë e treshes bërthamore të Amerikës.
Ajo strehon raketa bërthamore me rreze të gjatë veprimi (si AGM-86B) dhe së shpejti do të strehojë një raketë të re me rreze të gjatë veprimi “Long Range Standoff”.
Strehëzat dhe zonat e magazinimit për raketat e reja janë në ndërtim e sipër.
E vetmja bazë tjetër e madhe ajrore amerikane për B-52 është në Bazën Ajrore Minot në Dakotën e Veriut.
Të dyja bazat mbështesin Epic Fury.
Avionët mund të fluturojnë ose për në Mbretërinë e Bashkuar dhe pastaj për në Iran, ose (siç bënin gjatë periudhës kur Mbretëria e Bashkuar i bllokoi) të fluturojnë direkt nga Barksdale për në Iran, një mision shumë i gjatë që kërkonte tetë furnizime me karburant në ajër.
Valët e dronëve zgjatën rreth katër orë çdo ditë, një kohë qëndrimi jashtëzakonisht e gjatë për një dron.
Nuk dihet nëse dronët ishin me krahë të fiksuar apo kuadrokopterë, as se si funksiononin (me karburant të lëngshëm apo elektrik).
Çdo valë përbëhej nga 12 deri në 15 dronë, dhe dronët fluturonin me dritat e tyre të ndezura, duke i bërë ata qëllimisht të dukshëm.
Baza ajrore ka disa kundërmasa elektronike të projektuara për të çaktivizuar lidhjet GPS dhe të të dhënave midis dronëve dhe operatorëve të tyre në distancë.
Kundërmasat elektronike dështuan të funksiononin. Vetë dronët mund të kenë qenë autonomë ose gjysmë-autonomë dhe kanë vepruar në mënyra që sugjerojnë se ishin të pajisur me sensorë të shumtë që drejtonin sjelljen e secilit dron mbi bazë dhe në përgjigje të përpjekjeve të bllokimit.
Shkurt, dronët që vepronin mbi Barksdale ishin shumë më të sofistikuar se ata të Ukrainëa, ku dronët përdoren gjerësisht dhe shumë përtej aftësive iraniane.
Sa më sipër bind Departamentin e Luftës se ky sulm vjen nga brenda Shteteve të Bashkuara, nga njerëz që padyshim kanë shërbyer brenda radhëve të ushtrisë dhe flotës ajrore amerikane dhe perëndimorëve të Europës.
Ky është një incident që vërteton edhe një herë tjetër, se të majtët në Amerikë dhe në Europë nuk e duan luftën në Iran dhe po i shërbejnë regjimit.
