Erdogani së shpejti do ta gjejë veten në vendin e Khameneit pas luftës në Iran, thonë disa.
Një gazetare e MAGA-s dhe mike personale e Trump-it, me të cilën ai e konsultohet shpesh, shkroi një mesazh në rrjetet sociale, në të cilin na tregon se kush do të jetë “Khamenei” i ardhshëm dhe pse.
L.L., e cila është e akredituar në Pentagon dhe Shtëpinë e Bardhë, shkroi:
“Një burim i CIA-s më thotë se CIA ka prova bindëse se Turqia, dhe më konkretisht qeveria e Erdoganit, ka drejtuar posaçërisht fonde për podkaste, për të minuar axhendën e administratës Trump në Lindjen e Mesme.
CIA ka prova se ky financim turk po shkon tek të paktën një podkaster femër dhe të paktën një mashkull. Turqia është financuesi më i madh i Vëllazërisë Myslimane.”
L.L. është e njohur për raportimin e saj investigativ mbi çështjet e sigurisë kombëtare dhe politikës së jashtme, por edhe për praninë e saj polarizuese në peizazhin gazetaresk amerikan.
Postimi ka shkaktuar debat të nxehtë, veçanërisht mes marrëdhënieve shumë të tendosura SHBA-Turqi dhe përparësisë strategjike që mandati i dytë i Trump i jep përballjes me Hamasin dhe veçanërisht Hezbollahun.
Gjatë luftës civile siriane, pati raportime dhe dyshime të forta se Turqia po lejonte qëllimisht luftëtarët e ISIS të kalonin kufirin, ndërsa pati akuza për mbështetje indirekte.
Turqia, nën udhëheqjen e Erdoganit, është akuzuar se ofron mbështetje politike, financiare dhe diplomatike për Hamasin dhe Vëllazërinë Myslimane, organizata të konsideruara terroriste nga disa vende.
Presidenti turk Erdogan ka bërë thirrje për krijimin e një “aleance islamike” si kundërpeshë ndaj Izraelit, duke i karakterizuar veprimet e tij si “terrorizëm islamik”, gjë që interpretohet nga analistët si mbështetje për grupet islamike.
Organizata Milli Görüş (Vizioni Kombëtar), për shembull, është lëvizja më e rëndësishme islamiste e Turqisë me ndikim të madh në diasporën turke në Europë, prezent në Shqipëri dhe Kosovë me aktivitet shumë të gjerë.
Ju kujtojmë se “kukulla” e Erdoganit, Hakan Fidan, po zbaton një plan të tmerrshëm në ambasadat turke, veçanërisht në Europë dhe sigurisht në Shqipëri, pasi tashmë, i ka shndërruar ato në qendra mbledhjeje informacioni të MIT-it, ndërsa do t’i lidhë ato me organizata të tilla si Milli Gorus dhe organizata të tjera terroriste, duke shantazhuar çdo vend.
Po flasim për një rrjet prej mijëra spiunësh turq, të cilët do të mbledhin informacione dhe do të kontrollojnë bizneset në të gjithë Europën, veçanërisht aty ku jetojnë komunitete të mëdha turke, por edhe myslimanët në përgjithësi.
Krahu i saj europian, i njohur si IGMG (Islamische Gemeinschaft Millî Görüş), ka selinë në Këln të Gjermanisë. Konsiderohet si një nga organizatat më të mëdha myslimane në Europë, që kontrollon qindra xhami, shkolla dhe qendra kulturore.
Organizata shpesh funksionon si një kanal për transferimin e Islamit politik nga Turqia në Europë, ndonjëherë duke vepruar si një “levë presioni” ndaj qeverive europiane.
Këto lëvizje dhe planet e Turqisë për dominim dhe hegjemoni islamike në vetvete do të jenë “pasaporta” që ajo të pranojë një plan për shpërbërje brenda vendit, ndërsa në të njëjtën kohë turqit kërcënojnë qartë Izraelin.
