Një alarm u dha në Aeroportin Ben Gurion në Izrael, pasi një pako e gjetur në mjediset e tij u konsiderua toksike dhe jashtëzakonisht e rrezikshme, duke çuar në evakuimin dhe transportimin e saj në një vend të sigurtë.
Incidenti shkaktoi mobilizimin e menjëhershëm të shërbimeve të sigurisë, duke rezultuar në evakuimin e aeroportit për arsye paraprake.
Siç u bë e ditur, materiali i gjetur është i aftë të shkaktojë dëme serioze tek njerëzit edhe përmes thithjes, pa kontakt të drejtpërdrejtë fizik, gjë që çoi në masa të shtuara sigurie.
Pakoja ishte në paketim që ishte porositur nga jashtë, nga një kompani në Izrael, ndërsa më pas u vendos në një fuçi të mbyllur dhe u transportua në një vend të sigurtë për trajtim dhe kërkime të mëtejshme.
Autoritetet po vazhdojnë të shqyrtojnë rastin në mënyrë që të përcaktojnë natyrën e saktë të substancës dhe rrethanat në të cilat ajo hyri në aeroport.
