Çfarë kombësie kanë 50 personat e arrestuar nga Garda Iraniane me armë dhe pajisje Starlink brenda vendit?
Këtë pretendojnë dhe ndajnë si propagandë iranianët, por asgjë nuk është konfirmuar ende, përveç njoftimit zyrtar nga Teherani për të gjithë operacionin e arrestimit.
Një thriller spiunazhi po zhvillohet sot në Iran, kur autoritetet zyrtare të vendit (media) njoftuan arrestimin e të paktën 50 personave, në 16 provinca, me akuzën e spiunazhit dhe bashkëpunimit me “armikun” (SHBA-Izrael).
Mediat sociale iraniane raportojnë për “komando amerikanë”, por kjo nuk konfirmohet askund, as me video dhe as me foto, dhe sigurisht që nuk pranohet si lajm, pasi është një nga ato shashkat e radhës, si kur ditën e dytë të luftës deklaronin që kishin goditur aeroplanmbajtësen amerikane.
Të arrestuarit akuzohen për mbledhjen dhe dërgimin e informacionit të ndjeshëm në Shtetet e Bashkuara dhe Izrael, raportojnë mediat iraniane.
Informacioni kishte të bënte me koordinatat e vendeve strategjike, duke përfshirë infrastrukturën e shërbimeve, pikat e kontrollit dhe pozicionet e vendosjes së trupave.
Gjatë operacioneve të arrestimit iranian, u sekuestruan pajisje elektronike, pajisje satelitore (përfshirë pajisjet Starlink) dhe armë.
Raportohet se në total rreth 500 persona janë arrestuar me akuza të ngjashme që nga fillimi i luftës.
Sipas legjislacionit të spiunazhit të forcuar së fundmi në Iran, të akuzuarit përballen me dënimin me vdekje dhe konfiskimin e pronës së tyre.
Policia FARJA e Iranit tha se shumë nga arrestimet u bazuan në raportimet e qytetarëve përmes linjës së ndihmës së emergjencës.
Iranianët nuk thanë nëse të arrestuarit ishin vendas apo të huaj, ose formën si u gjetën të gjitha këto pajisje ushtarake dhe teknologjike tek ata.
Synimi tokësor sigurisht që lidhet me sulmet ajrore të SHBA-ve dhe Izraelit.
Kur Irani jep të tilla lajme, do të thotë që është problem madhor për ta.
Por që në Teheran dhe ngado, populli komunikon me amerikanët dhe izraelitët, apo me iranianë në mërgim që janë kundër regjimit, të cilëve u japin informacion, këtë e konfirmojmë edhe ne si mast.al, që informacionet nga Irani i marrim mes një personi iranian (gazetar) në Angli, që ka komunikim të përorshëm dhe të vazhdueshëm me Teheranin dhe qytete të tjera.
Por problemi më i madh i Gardës Revolucionare janë iranianët bashkëpunëtorë të Mossad, këta janë pjesa më e rrezikshme për regjimin. Dhe sipas informacioneve tona, janë me mijëra.
