D. Trump: “Ndjeva se plumbi më grisi lëkurën – jetoj nga një mrekulli”!
Një snajper tentoi të vriste Donald Trump me një të shtënë nga një distancë prej rreth 125 metrash.
Distanca e gjatë dhe fakti që plumbi i ka rënë për pak veshit të Trump, siç raportohet për herë të parë në Shqipëri nga mast.al, duket se i ka shpëtuar jetën kandidatit për president të SHBA.
Dëshmitarët okularë raportojnë se sulmuesi është vënë re nga qytetarët që kanë marrë pjesë në grumbullim disa sekonda para se të fillonte të qëllonte. Kanë tentuar të lajmërojnë policinë por ata janë treguar indiferentë!
Deklarata e parë e Trump që konfirmon sesa me fat ishte ai…
“Ndjeva që plumbi më çau lëkurë. Më grisi pjesën e sipërme të veshit. E dija se diçka ndodhi kur dëgjova zërin, plumbat dhe ndjeva gjakun.”
Dy të vdekur – Një i plagosur rëndë
Sipas burimeve të Shërbimit Sekret, njeriu që hapi zjarr ndaj ish presidentit amerikan ka vdekur.
Në filmime, sekonda pas sulmit ndaj Trump, agjentët e Shërbimit Sekret mund të dëgjohen duke i thënë njëri-tjetrit se “qitësi ka vdekur”.
Megjithatë, nuk janë dhënë detaje për identitetin e tij apo armën që ka përdorur.
Pamjet nga FOX News tregojnë oficerët e policisë duke hequr një person të mbuluar me gjak nga tribuna.
Personi që besohet të ketë qëlluar në një tubim të Donald Trump në Pensilvani është i vdekur, si dhe një anëtar i audiencës, tha Prokurori i Qarkut Butler.
Përveç dy të vdekurve, dyshohet se është në gjendje kritike për jetën edhe një person tjetër.
Sipas një dëshmitari të transmetuar nga BBC, pak para se të dëgjoheshin të shtënat, ata perceptuan një person të armatosur në çatinë e një ndërtese, duke u përgatitur për të qëlluar ndërsa Trump vazhdonte të ishte në platformë.
Brenda pak sekondash, të paktën pesë të shtëna me armë u dëgjuan dhe agjentët e Shërbimit Sekret nxituan të largonin ish presidentin e SHBA-së dhe kandidatin nga podiumi.
Menjëherë pas kësaj, u publikua video ku shihet një burrë i shtrirë i vdekur dhe që besohet të jetë atentatori.
Kaos pas të shtënave, përshkruajnë dëshmitarët.
Njerëzit që ishin në mitingun parazgjedhor flasin për kaosin që pasoi të shtënat me armë ndaj Donald Trump. Të gjithë vrapuan për t’u mbrojtur ndërsa të shtënat shpërthyen dhe në të njëjtën kohë agjentët e Shërbimit Sekret nxituan për të mbrojtur dhe hequr Trumpin
Pritet deklaratë tjetër e BidenNë deklaratën e parë Biden nuk dha asnjë detaj dhe thujase nuk tha asgjë.
Joe Biden u informua për incidentin në një aktivitet të fushatës nga kundërshtari i tij republikan në zgjedhjet presidenciale të nëntorit, Donald Trump, tha Shtëpia e Bardhë.
Më vonë ai postoi në lidhje me sulmin:
“Mësova për të shtënat në fjalimin e Trump në Pensilvani. Më vjen mirë që ai është i sigurt dhe mirë. Unë jam duke u lutur për të dhe familjen e tij, si dhe ata që ishin aty, ndërsa presim më shumë informacion. Unë dhe Jill u jemi mirënjohës shërbimeve të sigurisë që e larguan shpejt. Kjo lloj dhune nuk ka vend në SHBA. Ne duhet të bashkohemi si komb dhe ta dënojmë atë”, ka shkruar Biden.
Zëvendëspresidentja Kamala Harris u informua për incidentin në tubimin e ish presidentit Donald Trump, sipas zyrës së saj. Harris thuhet se po kthehet në Uashington, DC, si pjesë e fushatës së saj në Filadelfia.
Kamala Harris thirri një takim, ndërsa ndërtesat që i përkasin Trump janë urdhëruar të ruhen me masa drakoniane.
Mesazhet tashmë kanë vërshuar në rrjetet sociale nga republikanët, por edhe liderë politikë të shteteve të huaja si Benjamin Netanyahu, Viktor Orban etj. Madje që të dy e quajnë “President Trump”.
Masat e sigurisë janë shtuar në Kullën Trump në New York
Departamenti i Policisë së qytetit të New York po rrit praninë e saj në Kullën Trump dhe në vende të tjera të ndjeshme mes vëmendjes së shtuar në qytet, pasi ish presidenti Donald Trump u plagos gjatë një mitingu në Butler, Pensilvani, të shtunën.
Sipas një zëdhënësi të kryetarit të bashkisë së New York, Eric Adams, kryebashkiaku është informuar për incidentin.
Trump Tower në Manhattan tashmë është nën mbikëqyrjen e NYPD, edhe pse Trump rrallë e viziton rezidencën e tij të mëparshme. Gjatë viteve, Trump Tower ka shërbyer si një pikë tubimi për mbështetësit dhe kundërshtarët e ish presidentit.
Kryeministri britanik Starmer shpreh neverinë e tij
Kryeministri britanik Keir Starmer ka shprehur neverinë e tij për “skenat tronditëse në tubimin e (ish Presidentit) Trump” pasi një person i armatosur sulmoi kandidatin republikan për president në zgjedhjet presidenciale të nëntorit në SHBA, gjatë një ngjarjeje në shtetin e Pensilvanisë.
“Dhuna politike e çfarëdo lloji nuk ka vend në shoqëritë tona (…) mendimet e mia janë me të gjitha viktimat e këtij sulmi”, tha zoti Starmer përmes X.
Më herët, një zëdhënës i Downing Street nënvizoi se Londra dënon të gjitha format e dhunës politike në mënyrën më të fortë të mundshme, duke i dërguar urimet e qeverisë britanike për një shërim të shpejtë Donald Trump dhe duke shprehur solidaritetin me familjen e tij.
13 korrik 2024, 13 e mallkuar e amerikanëve, qëlloi të jetë numri më me fat për Trump!
