Ata do të vazhdojnë të zbatojnë teorinë “deri në ukrainasin e fundit”.
Parlamenti i Ukrainës ka zgjatur ligjin aktual të luftës dhe shërbimin ushtarak të shpallur për të paktën tre muaj të tjerë, deri në fillim të nëntorit, siç pritej, njoftuan dje mediat ukrainase, duke cituar anëtarët e delegacionit kombëtar.
Shumica e anëtarëve të këtij organi miratuan projektligjet e paraqitura nga qeveria e Presidentit Volodimir Zelenski.
Teorikisht, të dy masat do të skadonin më 12 gusht nëse nuk rinovoheshin.
Tani do të jetë në fuqi deri më 12 nëntor, vetëm pak ditë pas zgjedhjeve në SHBA, në të cilat Donald Trump është favorit.
Ligji ushtarak u vendos dhe rekrutimi u urdhërua, pasi forcat e armatosura ruse filluan sulmin ushtarak në shkurt 2022.
Që prej atëherë, ukrainasit meshkuj i nënshtrohen rekrutimit, pa përjashtim, në grup-moshën 18-60 vjeç, si dhe u është ndaluar të largohen nga territori, përveç rrethanave të jashtëzakonshme.
Zelenski në muajt e fundit ka forcuar ligjin ushtarak. Tani ata që nuk përditësojnë informacionin e tyre në zyrat lokale të rekrutimit rrezikojnë gjoba dhe nëse nuk paguajnë, konfiskohet pasuria e tyre!
Njerëz të panumërt janë përpjekur të ikin nga vendi, disa prej tyre janë detyruae të maskohen si gra për t’i shpëtuar “makinerisë grirëse“, siç e quajnë frontin e luftës.
