“Nuk keni parë hakmarrje të tillë. Çdo operacion në veri do të shkatërrojë dhe zhdukë brenda një ore, kur të godasim.”
Deklarata të ashpra nga lideri i Hezbollah-ut.
Fluturimeve supersonike të luftëtarakëve izraelitë në Bejrut, kreu i Hezbollah-ut H. Nasrallah, iu përgjigj me deklarata të ashpra, duke deklaruar se do të ketë një goditje të rëndë, shkatërruese, masive.
Ai tha se operacionet e fundit të Hezbollah-ut “nuk kanë të bëjnë me hakmarrjen e premtuar, e cila ende nuk ka ardhur”.
“Të gjitha fabrikat, kompanitë dhe magazinat izraelite në veri do të rrënohen brenda një ore nga ofensiva jonë”.
Ai shpall se Izraeli ka të drejtë që i frikësohet një sulmi nga Irani dhe “boshti i rezistencës”.
Sipas Nasrallah, Izraeli nuk është më fuqia e pathyeshme që mundi ushtritë më të mëdha arabe në luftërat e mëparshme, pasi sot duhet të mbështetet në SHBA-të, Britania e Madhe, Franca dhe disa vendeve arabe, për t’u mbrojtur kundër një sulmi të pritshëm iranian.
Shefi i Hezbollah-ut, Sayyid Hassan Nasrallah filloi fjalimin e tij rreth orës 17:00 (GMT) me rastin e përvjetorit njëjavor të vrasjes së komandantit të lartë ushtarak të grupit të armatosur libanez, Fouad Shukr, në një sulm izraelit në periferitë jugore të Bejrutit.
“Ajo që izraelitët po bëjnë me avionët në Bejrutin e Jugut është fëminore. Ata duan të na prishin ceremoninë sot dhe të trembin ata që marrin pjesë në të”, ka komentuar ndër të tjera Nasrallah.
