Një efekt anësor zbulon një studim i ri, i publikuar në Frontiers in Medicine. Sipas të dhënave më të fundit, vaksinimi shoqërohet me efekte negative në traktin e poshtëm urinar dhe fshikëzën tepër aktive, kryesisht tek të rinjtë.
Sistemi i poshtëm urinar dhe çrregullimet në këtë sistem mund të ndikojnë në cilësinë e jetës, duke shkaktuar shpeshtësi, urgjencë, nokturinë dhe dhimbje gjatë urinimit. Fshikëza tepër aktive është një gjendje e karakterizuar nga një nxitje e papritur dhe e pakontrollueshme për të urinuar, e cila mund të çojë në mosmbajtje. Këto simptoma mund të ndikojnë ndjeshëm të përditshmen, duke shkaktuar shqetësim dhe ankth te pacientët.
Dr.Marta de-la-Plaza-San-Frutos, nga Universidad Europea de Madrid në Spanjë dhe kolegët e saj vërejtën efektet anësore të mundshme të vaksinimit Covid-19 në sistemin urinar midis 1,563 njerëzve (74.7% gra dhe 27 , 3% meshkuj), të moshës 18 deri në 45 vjeç, të cilët përfunduan një anketë në internet.
Shumica e pjesëmarrësve ishin vaksinuar me vaksinën Pfizer-BioNTech (42.2%) me tre doza, përqindja e njerëzve që morën vaksinën AstraZeneca dhe nuk kishin nevojë të urinonin gjatë natës ishte dukshëm më shumë për gratë sesa burra (59.1% kundrejt 33.3%). Krahasuar me personat që morën tre doza vaksine, një përqindje e lartë e tyre urinuan shpesh edhe gjatë natës.
“Bazuar në rezultatet e marra nga ky studim, monitorimi dhe menaxhimi i efekteve anësore të traktit urinar nga vaksinimi kundër COVID-19 është i rëndësishëm. Programet e vaksinimit duhet të përfshijnë mbledhjen sistematike të të dhënave nga instancat, për efektet anësore të traktit urinar, gjë që do të lejojë vlerësimin e vazhdueshëm të sigurisë dhe efikasitetit të vaksinës”, shkruajnë autorët.
“Profesionistët e kujdesit shëndetësor duhet të jenë vigjilentë ndaj rasteve që pacientët shfaqin simptoma të traktit urinar pas vaksinimit”, përfundojnë ata.
