Me postimin e tij në Platformën X, Eric Trump, djali i presidentit të 47-të të SHBA-ve, përshkruan profilin e qeverisë në pritje me moton, siç thekson ai, luftimin e kulturës “woke”.
Në të njëjtën kohë, shtypi ndërkombëtar ka në fokus përzgjedhjen e personave për portofolet kritike që do t’i besojë miliarderi amerikan, si ai i Ministrisë së Mbrojtjes.
Trump ka zgjedhur si Sekretar të Mbrojtjes Pete Hegseth, një reporter i Fox News dhe veteran i luftërave në Irak dhe Afganistan, i cili ka shprehur mospërfillje për të ashtuquajturat politika “woke” të liderëve të Pentagonit.
Në foton e postuar nga djali i Trump me rastin e zhurmës që shpërtheu për personin e zgjedhur nga babai i tij, për udhëheqjen politike në Pentagon, foto nga e majta, transgjinorja Rachel Levin, zëvendës-sekretarja e shëndetësisë dhe Hegseth nga ana tjetër.
Në foton në fjalë Eric Trump shkruan: “Zgjidhni luftëtarin tuaj”.
Pete Hegseth është zgjedhja e Donald Trump për Ministrinë e Mbrojtjes. Nëse emri i tij miratohet nga Senati i SHBA-së, Hegseth mund të zbatojë premtimet e fushatës së Trump, të tilla si çlirimi i ushtrisë amerikane nga gjeneralët, të cilët ai i akuzon se ndjekin politika gjithëpërfshirëse dhe nuk promovojnë meritokraci duke mos pranuar axhendën “woke”.
Heggeth do të jetë përgjegjës për 1.3 milion personel ushtarak aktiv dhe gati 1 milion civilë që punojnë për ushtrinë, raporton Reuters.
Në një deklaratë të martën, Trump vlerësoi veteranin 44-vjeçar të Gardës Kombëtare të Ushtrisë, i cili, sipas faqes së tij të internetit, shërbeu në Afganistan, Irak dhe Gjirin e Guantanamos, Kubë.
“Pete është i ashpër, i zgjuar dhe një avokat i vërtetë i ‘Amerika e para’”, tha miliarderi amerikan në një deklaratë.
“Me Pete në krye, armiqtë e Amerikës kanë marrë sinjalin – ushtria jonë do të jetë përsëri e shkëlqyer dhe Amerika nuk do të tërhiqet kurrë”, tha ai.
Ai ka thënë se u largua nga ushtria në vitin 2021 pasi u përjashtua për pikëpamjet e tij politike dhe fetare, nga një ushtri që nuk e donte më atë.
“Ndjenja ishte e ndërsjellë, as unë nuk e doja më atë ushtri”, tha Hegseth në librin e tij “Lufta mbi luftëtarët: prapa tradhtisë së burrave që na mbajnë të lirë”.
Vihet re se Trump kishte deklaruar në Fox News në qershor se do të çmobilizonte gjeneralët të cilët i përshkroi si “woke”.
“Presidenti i ardhshëm i Shteteve të Bashkuara duhet të rishikojë rrënjësisht udhëheqjen e lartë të Pentagonit, në mënyrë që ne të jemi gati të mbrojmë kombin tonë dhe të mposhtim armiqtë tanë. Shumë njerëz duhet të pushohen nga puna”, shkruan Hegseth në librin e tij.
