Transportuesit e personelit të blinduar u drejtuan për në Seul.
Pavarësisht vendimit të parlamentit të vendit, pas votimit për të proçeduar me heqjen e ligjit ushtarak nga nesër, 4 dhjetor, kreu i Ushtrisë tha se ligji ushtarak do të qëndrojë në fuqi derisa presidenti i vendit të vendosë ndryshe.
Presidenti i Koresë së Jugut, Joon Suk Jeol shpalli ligjin ushtarak në vend, ndërsa akuzoi opozitën për praktika antishtetërore.
Joon Suk Jeol njoftoi sot se do të rindërtojë një vend të lirë dhe demokratik, duke vendosur ligjin ushtarak.
Në të njëjtën kohë akuzoi opozitën për kontrollin e Kuvendit dhe për praktika antiqeveritare.
Presidenti i vendit njoftoi vendosjen e gjendjes ushtarake përmes një njoftimi televiziv. Ai deklaroi se ligji ushtarak është i nevojshëm për të mbrojtur rendin kushtetues të vendit.
“Për të mbrojtur Korenë e Jugut liberale nga kërcënimet e forcave komuniste të Koresë së Veriut dhe për të eliminuar elementët antishtetërorë… Unë po shpall ligjin ushtarak”, tha ai.
Raportet e fundit në agjencitë ndërkombëtare thonë se me 190 deputetë të pranishëm nga gjithsej 300 deputetë, parlamenti i vendit të Koresë votoi kundër vendimit të presidentit për shpalljen e gjendjes ushtarake.
Vetë kryetari i Kuvendit e cilësoi aktin e presidentit të vendit si “të paligjshëm”.
Në të njëjtën kohë, imazhet e transmetuara nga agjencitë ndërkombëtare tregojnë një turmë të madhe të mbledhur jashtë ndërtesës së Parlamentit Korean dhe njerëz që tashmë hyjnë në të.
https://twitter.com/i/status/1863965433772265730
Pak pas orës 18:00, sipas videove që kanë dalë në dritë, një turmë e zemëruar ka thirrur parulla dhe ka tentuar të hyjë në sallën e Kuvendit.
Në një distancë të shkurtër nga çatia e godinës së Kuvendit janë shfaqur helikopterë, ndërsa në godinë duket se kanë hyrë edhe forcat e ushtrisë.
