Pasagjerët u larguan nga Boeing 757-300 përmes rrëshqitjeve emergjente dhe u dërguan në një sallë pritjeje.
Një avion i Delta Airlines u evakuua në Atlanta, duke u plagosur katër persona.
Avioni, i nisur për në Aeroportin Ndërkombëtar të Mineapolis Saint Paul, ndërpreu ngritjen pak, pas orës 9 të mëngjesit të së premtes, për shkak të një problemi me motorin.
“Gjatë ngritjes diçka shkoi keq dhe motori mori flakë. Duhej të evakuonim urgjentisht avionin”, tha pasagjeri Curtis James për CNN.
WATCH: Passengers evacuate Delta Air Lines plane via emergency slides after aborting take-off in Atlanta, Georgia; 4 passengers suffered minor injurespic.twitter.com/7JoXziKZnN
— BNO News (@BNONews) January 10, 2025
Sipas një postimi të aeroportit në X, pasagjerët u larguan nga Boeing 757-300 përmes rrëshqitesve të emergjencës dhe u dërguan në një sallë brenda aeroportit.
Gjatë evakuimit, katër nga 201 pasagjerët pësuan lëndime të lehta, thanë zyrtarët për Fox. Njëri është dërguar në spital, ndërsa tre kanë marrë ndihmën e parë.
“Asgjë nuk është më e rëndësishme se siguria e pasagjerëve dhe ne u kërkojmë falje klientëve tanë për përvojën që kaluan. Do të adresojmë nevojat e tyre të menjëhershme dhe do t’i transportojmë ata në mënyrë të sigurtë në destinacionin e tyre”, tha një zëdhënës i Delta Airlines.
