Tani shfaqet një… Go Home!
Faqja e internetit në gjuhën spanjolle e Shtëpisë së Bardhë u hoq një ditë pas inaugurimit të Presidentit të ri të SHBA-ve, Donald Trump, një lëvizje që lidhet si me çështjen e emigrantëve të paligjshëm që derdhen në SHBA nga Meksika, ashtu edhe me deklaratat e presidentes meksikane e cila deklaroi se “do të mbrojë sovranitetin e vendit të saj”!
Tani faqja spanjolle e Shtëpisë së Bardhë shfaqet me një shenjë “Error 404” dhe treguesin më poshtë për t’u kthyer në faqen kryesore Go Home, e cila interpretohet në mënyra të ndryshme në lidhje me imigracionin e paligjshëm nga Amerika Latine dhe kthimin e emigrantëve të paligjshëm.
Vihet re se presidentja meksikane Claudia Sheinbaum theksoi sot se do të mbrojë sovranitetin dhe pavarësinë e vendit të saj, por do të kërkojë gjithashtu dialog me presidentin amerikan Donald Trump, një ditë pasi nisi mandatin e tij të ri me një mori dekretesh, përfshirë masat për kufizimin e emigracionit.
