Zgjedhjet e djeshme parlamentare në Gjermani çimentuar në politikën gjermane partinë më të re, AfD, e themeluar në vitin 2013.
Një parti 12-vjeçare përmbys çdo parashikim, vë me shpatulla pas murit sistemin e kalbur qeverisës në Gjermani dhe në Europë. Një parti rishtazi e krijuar shkaktoi tmerr dhe frikë, tronditje tektonike në politikën gjermane, drejtuar nga parti që po e çojnë Gjermaninë drejt greminës.
Pse të qënurit në opozitë, si parti e dytë, për AfD është fitore e dyfishtë?
Sepse tani do të jetë opozita e parë më e madhe e vendit. Tani do të jetë spektatori dhe sulmuesi i çorbës së të djathtëve të qendrës, me të majtët e shkalafitur dhe me amorfët e gjelbër, për një aleancë qeverisëse.
Kjo aleancë e provuar në legjislaturën e fundit e ka zhytur Gjermaninë në udhë pa krye, në ekonomi, në politikën e jashtme, në atë militare dhe e ka mbytur Gjermaninë edhe më shumë, në kaos dhe pasiguri.
Një AfD me program të qartë politik, ekonomik, social, me parime të pastra pro gjermane dhe me filozofinë e kufijve të mbyllur, përballë një politike pa kokë dhe pa shina, mes aleancave fluide dhe të paqëndrueshme, që duan të marrin sërish timonin e qeverisjes, do të jetë partia e parë në Gjermani shumë shpejt.
CDU/CSU me përqindjen e gjunjëzimit dhe me aleancën e turpit që i servirin këto zgjedhje, pas një viti nuk do të jetë më koalicioni i parë në përqindje, por as edhe e djathta gjermane, pasi ka vite që nuk është më e tillë.
23 shkurt 2025, një datë që do të mbetet në historinë e Gjermanisë me këtë përqindje spektakolare të partisë Alternativa për Gjermaninë AfD.
Do të duhet të shkojnë edhe më poshtë gjermanët, që të mund të zgjohen. Me ndihmën e Amerikës dhe Rusisë do të vijë edhe ajo ditë.
Për momentin Gjermania është pa qeveri.
