Gjermania po shkon drejt një situate tragjike ekonomike për shkak të politikave të qeverive të mëparshme dhe kur të shpërthejë kriza në Gjermani, do të shembet edhe BE-ja.
400 mijë qytetarë nuk janë në gjendje të paguajnë gjërat bazë (faturat, shërbimet, etj.), për shkak të politikave vetëvrasëse të qeverive gjermane gjatë 10 viteve të fundit.
Sipas Zyrës Gjermane të Statistikave, 4.2 milionë gjermanë po përballen me probleme në pagesën e faturave të energjisë elektrike dhe gazit. Dhe më e keqja ende nuk ka ardhur.
Pavarësisht rënies së çmimeve të energjisë, situata mbetet e tensionuar, raporton një media gjermane.
Shumë familje në Gjermani nuk mund t’i paguajnë më faturat e tyre, asfare dhe as në kohë. Kur lindin shpenzime të paparashikuara, gjërat bëhen edhe më të vështira.
Në vitin 2024, rreth 4.2 milionë njerëz në këtë vend raportuan se jetonin në familje që kishin vonesa në faturat e energjisë.
Sipas llogaritjeve nga Zyra Federale Gjermane e Statistikave, kjo korrespondonte me 5% të popullsisë.
Përqindja ishte pak më e ulët se një vit më parë (5.4 përqind).
Popullsia që ka shtëpi me qera e ka edhe më të vështirë pagesën e faturave të energjisë elektrike.
Çmimet e energjisë mbeten të larta në vend, duke shkaktuar tronditje tek konsumatorët. Këtë vit, ka pasur të paktën njëfarë lehtësimi në çmimet e energjisë familjare.
Në gusht 2025, konsumatorët në Gjermani duhej të paguanin 2.3 përqind më pak për energji elektrike, gaz natyror, naftë për ngrohje, ngrohje qendrore dhe lëndë djegëse të ngurta si druri dhe qymyri sesa një vit më parë.
Megjithatë, çmimet e energjisë mbeten relativisht të larta, duke u rritur ndjeshëm, veçanërisht në vitin 2022 pas fillimit të luftës së Rusisë kundër Ukrainës.
Shumë familje gjermane janë të mbingarkuara nga shpenzime prej 1,250 € ose më shumë në muaj.
Megjithatë, faturat e larta të energjisë elektrike ose gazit nuk janë barra e vetme për familjet.
Sipas të dhënave nga statistikanët e Wiesbaden, shumë familje nuk kanë para të mjaftueshme për të mbuluar shpenzime të papritura të mëdha prej 1,200 € ose më shumë.
Në vitin 2024, pothuajse një e treta (32.2%) e popullsisë gjermane jetonte në familje që nuk mund të mbulonin shpenzime të tilla – të tilla si riparimi ose zëvendësimi i pajisjeve shtëpiake me defekt – nga burimet e tyre.
Regresi po çon gjermanët me saktësi matematikore në kolaps ekonomik dhe kaos.
Energjia është thelbësore për çdo familje në Europë, në çdo vend, dhe konsumatorit (pavarësisht kombësisë) nuk i intereson se nga vjen gazi, përsa kohë që është i lirë.
Kjo shqetëson edhe biznesmenin, personin që ka një biznes e kështu me radhë.
Megjithatë, elitat politike në Europë po vetvriten, duke i çuar vendet e tyre në kaos dhe shkatërrim.
