Një burim i CIA-s brenda qeverisë venezueliane monitoroi vendndodhjen e Nicolás Maduro si gjatë dy ditëve të fundit, ashtu edhe në momentet para kapjes së tij nga forcat amerikane të operacioneve speciale, sipas njerëzve të informuar mbi operacionin.
Agjencia amerikane e spiunazhit, prodhoi informacionet e inteligjencës që çuan në kapjen e Maduros, duke monitoruar pozicionin dhe lëvizjet e tij me një flotë dronësh të fshehtë që ofruan monitorim pothuajse të vazhdueshëm mbi Venezuelën, përveç informacionit të ofruar nga burimet e saj venezueliane.
Nuk është e qartë sesi CIA rekrutoi burimin venezuelian i cili informoi amerikanët për vendndodhjen e Maduros, por ish zyrtarët thanë se agjencia u ndihmua qartë nga shpërblimi prej 50 milionë dollarësh që qeveria amerikane ofroi për informacionin që çoi në kapjen e tij.
Në seancën e tij të konfirmimit vitin e kaluar, John Ratcliffe, drejtori i CIA-s, premtoi se do të drejtonte një agjenci edhe më agresive, të gatshme për të kryer operacione të fshehta, si për të mbledhur informacion, ashtu edhe për të çuar përpara politikën amerikane. Presidenti Trump autorizoi CIA-n për të ndërmerrte veprime më agresive vjeshtën e kaluar dhe më pas në nëntor miratoi planifikimin dhe përgatitjen për një seri operacionesh në Venezuelë.
Në fund të dhjetorit, CIA përdori një dron të armatosur për të kryer një sulm në një shkallë që zyrtarët amerikanë besonin se po përdorej nga një bandë venezueliane për të ngarkuar drogë në një anije.
Një nga personat e informuar për kapjen e Maduros tha se ishte produkt i një partneriteti të thellë midis agjencisë dhe ushtrisë dhe përfshinte “muaj planifikimi të përpiktë”. Një zyrtar i lartë amerikan tha se CIA dhe analistët e operacioneve speciale e kishin Maduron “të lidhur”, që do të thotë të lokalizuar saktësisht, që në fillim të planifikimit të operacionit.
Ndërsa CIA luajti një rol kritik në planifikimin dhe zbatimin e tij, misioni ishte një operacion i zbatimit të ligjit nga forcat e operacioneve speciale të ushtrisë amerikane, dhe jo një operacion i kryer nën autoritetin e agjencisë.
