Një tërmet i fortë me magnitudë 6.5 ballë ndodhi sot, e enjte (26/3) në brigjet Sanriku, Honshu, ishulli më i madh i arkipelagut, rreth 122km në lindje të qytetit të Jamagatës në Japoninë verilindore.
Tërmeti ndodhi në një thellësi fokale prej rreth 9.5km, sipas të dhënave nga Shërbimi Gjeologjik i Shteteve të Bashkuara (USGS) dhe Agjencia Meteorologjike e Japonisë (JMA).
JMA raportoi se tërmeti ndodhi në orën 23:18 sipas kohës lokale. Fakti që ai filloi në det të hapur zvogëlon rrezikun e menjëhershëm për zonat me popullsi të dendur.
Nuk pati raportime të menjëhershme për viktima apo për dëme të konsiderueshme pas tërmetit dhe nuk u lëshua asnjë paralajmërim për cunami. Autoritetet në Japoni po monitorojnë nga afër situatën për lëkundje pasuese.
Japonia është veçanërisht e prirur ndaj tërmeteve, për shkak të vendndodhjes së saj përgjatë çarjeve kryesore tektonike të të ashtuquajturës “Unaza e Zjarrit”.
Vendi është një nga rajonet më sizmikisht aktivë në botë, duke përjetuar gati 1,500 dridhje në vit. Si i tillë, infrastruktura e tij është projektuar posaçërisht për t’i bërë ballë ndikimit të lëvizjeve sizmike.
