Ministri i Jashtëm iranian Abbas Araghchi i tha Al Jazeera se SHBA-të dhe Irani janë në një “shkëmbim mesazhesh”.
Presidenti iranian Masoud Pezheskian tha mbrëmë se Teherani ka vullnetin për “të përfunduar luftën” kundër Izraelit dhe SHBA-së, por po kërkon garanci për “të parandaluar një përsëritje të agresionit”.
Teherani pret që të përmbushen disa kushte, “në veçanti, garanci të konsiderueshme që do të parandalojnë një përsëritje të veprimeve agresive”, i tha Pezheskian Presidentit të Këshillit Europian Antonio Costa gjatë një telefonate të hënën, sipas Bloomberg.
“Ajo që po ndodh tani nuk është negociatë, por një shkëmbim mesazhesh drejtpërdrejt ose përmes miqve tanë në rajon”, tha Araghchi. “Po marr mesazhe nga [i dërguari i SHBA-së, Steve] Witkoff drejtpërdrejt si më parë, dhe kjo nuk do të thotë se po negociojmë.”
Sa i përket deklaratës së Pezheskian, ajo vjen pasi Presidenti Donald Trump tha se ishte gati të përfundonte fushatën ushtarake kundër vendit brenda disa javësh.
Wall Street Journal raportoi se Trump u tha ndihmësve se ishte i gatshëm të përfundonte armiqësitë brenda katër deri gjashtë javësh, duke i dhënë përparësi çmontimit të arsenalit të marinës dhe raketave të Iranit mbi detyrën më komplekse të rivendosjes së kontrollit të Ngushticës së Hormuzit.
Të hënën, Trump tha se Shtetet e Bashkuara ishin në bisedime me një “regjim të ri dhe më të arsyeshëm” në Iran për t’i dhënë fund operacioneve ushtarake në vendin e Lindjes së Mesme.
Presidenti amerikan fillimisht i kishte dhënë Iranit një afat prej 48 orësh për t’u pajtuar, dhe javën e kaluar, disa orë para se të skadonte afati, ai njoftoi një zgjatje pesë-ditore, duke cituar “diskutime konstruktive”.
Megjithatë, Teherani mohon se është në bisedime të drejtpërdrejta me SHBA-të.
Javën e kaluar, SHBA-të i dërguan Iranit një plan me 15 pika për t’i dhënë fund luftës në Lindjen e Mesme, përmes ndërmjetësve pakistanezë, sipas dy zyrtarëve të informuar mbi procesin diplomatik.
Plani thuhet se ka të bëjë me programet balistike dhe bërthamore të Iranit, si dhe me korridoret detare në Ngushticën e Hormuzit, të cilat Irani i ka bllokuar, duke kufizuar kalimin e shumicës së anijeve perëndimore, gjë që ka prerë sasi të konsiderueshme nafte dhe gazi natyror nga tregu global, duke nxitur rritjen marramendëse të çmimeve.
Të gjitha sa më sipër vërtetojnë se Irani nuk e ka ndërprerë asnjë sekondë komunikimin me Uashingtonin dhe se gjithçka që kanë deklaruar dje ka qenë e rremë.
Amerika nuk diskuton më, kërkon plotësimin e 15 kushteve. Pa plotësimin e tyre nuk ka kthim prapa.
Këtë Irani e ka kuptuar, por tani i duhet një rrugëdalje me “takt”, nëse mund të ketë më rrugëdajle, teksa është në armiqësi me të gjitha vendet e Lindjes së Mesme.
Rruga është një dhe e vetme, kapitullimi!
Regjimi mund të largohet në Kinë për të shpëtuar kokat.
