Ura është 136 metra e lartë dhe u përurua këtë vit.
U shënjestrua nga një sulm dy herë në të njëjtën ditë.
Një urë në autostradën që lidh kryeqytetin iranian Teheranin dhe qytetin Karaj, në pjesën perëndimore të vendit, u godit nga një sulm ajror sot, raportoi agjencia e lajmeve Fars, duke shtuar se, sipas vlerësimeve fillestare, disa persona u plagosën.
Me 136 metra lartësi, ura B1 midis Teheranit dhe Karajit konsiderohet më e larta në Lindjen e Mesme dhe u përurua këtë vit, raportoi Fars, ndërsa media shtetërore e përshkroi atë si “një nga projektet më komplekse inxhinierike në Azinë Perëndimore”.
Press TV i Iranit raportoi se ura kishte vlerë 400 milionë dollarë.
Në fakt, sipas televizionit iranian, ura u shënjestrua dy herë në të njëjtën ditë.
“Armiku amerikano-zionist shënjestroi përsëri urën B1 në Karaj”, një qytet në pjesën perëndimore të kryeqytetit iranian, raportoi televizioni shtetëror iranian, duke shpjeguar se ura “ishte shënjestruar edhe një orë më parë shkatërrimit”.
“Ky sulm i ri ndodhi në një kohë kur ekipet e shpëtimit u vendosën për të ofruar ndihmë viktimave” të sulmit të parë, tha televizioni iranian.
