“Bashkëpunimi që po zhvillojnë nuk sjell më shumë besim, por më shumë mosbesim. Ai sjell më shumë probleme, sjell luftë”, tha Ministri i Jashtëm turk Hakan Fidan, në lidhje me bashkëpunimin midis Greqisë, Qipros dhe Izraelit.
Një deklaratë absurde, pasi shtetet janë sovrane dhe do të bashkëpunojnë me kë ta shikojnë të arsyeshme dhe në interes të politikave dhe popullit të tyre.
Duke folur për Anadolu, Fidan vuri në dukje se Zëvendëspresidenti i SHBA-ve JD Vance dha një konferencë për shtyp pas negociatave, duke sugjeruar se një propozim është vënë tashmë në tryezë, ndërsa vërehet një bllokim i përgjithshëm në çështjen bërthamore. Duke iu referuar bisedimeve, ai theksoi se aktualisht ka propozime specifike dhe se, bazuar në përvojën e tij shumëvjeçare në negociata, është plotësisht normale që palët të paraqesin fillimisht qëndrimet e tyre.
Siç deklaroi ai, qëndrimet fillestare zakonisht janë ekstreme, përpara se të fillojë përpjekja për të arritur një marrëveshje me ndihmën e ndërmjetësve. Një parakusht, siç nënvizoi ai, është qëllimi i vendosur për të arritur dhe ruajtur armëpushimin, duke vënë në dukje se të dyja palët aktualisht duken të sinqerta për nevojën e tij.
Ministri i Jashtëm turk theksoi gjithashtu se duhet të merret në konsideratë qëndrimi ndërhyrës i Izraelit, diçka që – siç tha ai – Ankaraja ua thekson vazhdimisht Shteteve të Bashkuara dhe palëve të tjera. Ndërkohë, si amerikanët, ashtu edhe iranianët janë kthyer në vendet e tyre, me Teheranin që pritet të vlerësojë propozimin e paraqitur nga Uashingtoni. Sipas tij, vlerësohet se do të ketë një përgjigje përkatëse.
Ai paralajmëroi gjithashtu se nëse çështja e programit bërthamor sillet në një logjikë “të gjitha ose asgjë”, veçanërisht në lidhje me pasurimin, atëherë mund të lindë një pengesë serioze, e cila do të tentohet të kapërcehet me kontributin e ndërmjetësve dhe vendeve të tjera.
Në të njëjtën kohë, ai foli për një zonë të gjerë problematike në Siri, të cilën e përshkroi si një rrezik të konsiderueshëm. Siç vuri në dukje ai, Izraeli nuk po ndërmerr veprime të caktuara kundër Sirisë për shkak të luftës së vazhdueshme në Iran, por kjo nuk do të thotë se nuk do ta bëjë këtë në të ardhmen.
Samiti i ardhshëm i NATO-s në Turqi!
Së fundmi, duke iu referuar samitit të NATO-s që do të mbahet në Turqi, Fidan vlerësoi se ky mund të jetë samiti më i rëndësishëm, por edhe më kritik në historinë e Aleancës. Ai theksoi se Turqia, si një faktor kyç në sigurinë e Europës, është e thirrur të luajë një rol të konsiderueshëm, si në formësimin e opinioneve dhe krijimin e sistemeve, ashtu edhe në një nivel operacional.
Por në këtë mori çështjesh, ajo më madhorja për Turqinë, pas bombardimit të Iranit, është aleanca e Izraelit, me Greqinë dhe Qipron dhe me partner në këtë aleancë, Shtetet e Bashkuara të Amerikës.
Turqia po nuhat se çfarë po vjen dhe është normale të shqetësohet, por është anormale të vendosë Turqia për bashkëpunimin e vendeve të tjera, apo që bashkëpunimin e disa shteteve ta kërcënojë me luftë.
Gjithësesi, luftën me Turqinë tani më, e presin edhe Izraelli, edhe Greqia, edhe Qipro, në partneritet me SHBA-në.
