Kievi dhe Shtëpia e Bardhë shohin të vijë Apokalipsi nga Rusia, ndaj dhe po përshpejtohet misioni special i CIA-s që do të instalohet në Ukrainë, pasi mbizëtoron frika se Ukraina do të marrë një goditje dërrmuese.
Jemi në paragrafin 5 të përdorimit të armëve ruse të shkatërrimit në masë…
Ukraina ka hyrë në një orbitë shumë kritike me amerikanët, që janë detyruar të takojnë zyrtarë të lartë rusë në tokën turke, për të paralajmëruar Kremlinin në nivelin më të lartë për pasojat e përdorimit të armëve bërthamore në Ukrainë.
Fillimisht, Kremlini nuk konfirmoi bisedimet me SHBA-në në Ankara, por pak më parë ka pasur një njoftim zyrtar, zëdhënësi i Kremlinit Dmitry Peskov, duke iu përgjigjur gazetarëve, konfirmoi takimin, duke thënë: “Po, është e vërtetë, negociata të tilla u bënë, ishte një nismë e palës amerikane”.
Peskov theksoi shprehjen “ishte iniciativë e palës amerikane” me nënkuptimin se…
Konfirmimi i arsyes së takimit erdhi pak më parë nga Uashingtoni.
Ky është kontakti i parë, ballë për ballë, diplomatik i nivelit të lartë midis SHBA-së dhe Rusisë që nga takimi i janarit të kaluar midis Ministrit të Jashtëm rus Sergei Lavrov dhe homologut të tij amerikan, Anthony Blinken, në Gjenevë.
Është fakt i padiskutueshëm se takimi u zhvillua 48 orë pas zbulimit të përdorimit të një arme elektromagnetike nga Rusia dhe kërcënimeve të Dimitri Medvedev për përdorimin e armëve të shkatërrimit në masë.
Mesa duket amerikanët kanë informacion të mjaftueshëm në këtë drejtim dhe kjo mund të shpjegojë edhe arsyen e tërheqjes së rusëve nga Khersoni.
Ndoshta Shtabi i Përgjithshëm rus po planifikon një goditje me një armë bërthamore taktike që do të shkaktojë një puls elektromagnetik dhe do të vrasë forcat ukrainase prapa Khersonit, p.sh. në bazat e tyre në Nikolaev dhe Odessa.
Kjo i dha Moskës mundësinë për të kundërsulmuar në Kherson dhe Odessa, për shembull, nga Transnistria, duke supozuar se do të merrte forca të mjaftueshme atje me kohë.
Çfarë raportojnë mediat ruse?
Gazeta ‘Kommersant’ shkruante se në Ankara po zhvillohen bisedime mes delegacioneve ruse dhe amerikane. Drejtori i Ahërbimit të Inteligjencës së Jashtme (SVR), Sergei Naryskin, përfaqësonte Rusinë.
Autoritetet turke nuk kanë bërë asnjë koment zyrtar. Kanali turk NTV, duke cituar burime në shërbimet speciale turke, spekuloi se takimi mund të jetë i rëndësishëm në vendosjen e linjave të komunikimit midis Rusisë dhe Shteteve të Bashkuara.
Gazeta ruse raportoi se bisedimet midis Kremlinit dhe Uashingtonit kishin të bënin me luftën në Ukrainë.
Megjithatë, një zyrtar amerikan e mohoi këtë, duke thënë se një temë qendrore e bisedimeve ishin pasojat e çdo përdorimi të armëve bërthamore nga Rusia.
Fillimisht, Kremlini, i pyetur për raportin e ‘Kommersant’, tha se nuk ishte në gjendje ta konfirmonte apo mohonte atë. Agjencia ruse SVR nuk iu përgjigj një kërkese për koment.
Por më vonë, Kremlini konfirmoi takimin “sekret” të krerëve të Shërbimeve të Inteligjencës Ruse dhe SHBA-së në kryeqytetin turk, Ankara.
Shtëpia e Bardhë konfirmoi.
Pak më parë, takimin e konfirmuan edhe amerikanët.
“Drejtori i CIA-s, William Burns është në Ankara për të zhvilluar bisedime me kreun e Agjencisë Ruse të Inteligjencës së Jashtme dhe për të dhënë një mesazh në lidhje me pasojat e një përdorimi rus të armëve bërthamore në Ukrainë”, tha një zyrtar i Shtëpisë së Bardhë.
Zyrtari amerikan tha se Burns, një ish ambasador i SHBA-së në Rusi, nuk do të zhvillojë asnjë lloj negociate me Naryskin.
Ukraina u informua paraprakisht për udhëtimin e Burns në Turqi, shtoi zyrtari. Burns nuk do të diskutojë asnjë lloj zgjidhjeje të luftës në Ukrainë, por do të japë një mesazh për pasojat e përdorimit të armëve bërthamore nga Rusia, shtoi ai.
SHBA i bën thirrje Kievit për “kërkesa realiste”.
Shtëpia e Bardhë konfirmoi javën e kaluar se Këshilltari i Sigurisë Kombëtare Jake Sullivan ka qenë në kontakt telefonik me homologët e tij rusë që nga fillimi i luftës në Ukrainë, në një përpjekje për të parandaluar përshkallëzimin e saj.
Takimi i supozuar mes rusëve dhe amerikanëve në tokën turke vjen pas raportimeve se zyrtarët amerikanë po i bëjnë presion Ukrainës që të bëjë kompromis me Rusinë për t’i dhënë fund luftës.
‘Wall Street Journal’ raportoi të dielën se Sullivan i kishte thënë presidentit ukrainas Volodimir Zelenski që të miratonte kërkesa “realiste” në negociata, duke përfshirë rishikimin e pretendimit të tij publik për kthimin e Krimesë së aneksuar.
Sullivan mohoi javën e kaluar se ai po “po bën presion” ndaj Ukrainës, duke përsëritur atë që thotë administrata e Biden, se ai nuk do të diskutojë “asgjë për Ukrainën pa Ukrainën”.
Shefi i Shtabit të Përbashkët të SHBA, Mark Miley, javën e kaluar i bëri thirrje Rusisë dhe Ukrainës që të përdorin reduktimin e pritshëm të operacioneve ushtarake gjatë dimrit për të eksploruar zgjidhje diplomatike për luftën. Zelensky dhe zyrtarë të tjerë ukrainas thonë se çdo marrëveshje duhet të përfshijë tërheqjen e Rusisë nga të gjitha territoret e pushtuara, përfshirë Krimenë.
Sa më sipër, vulos vazhdimin dhe përshkallëzimin e luftës, por vërteton edhe shqetësimin real të amerikanëve që Rusia do të progresojë në përdorim armësh të shumëllojshme.
