Kërcënimi i hakerimit të makinës së votimit diçka që një pjesë nga ju ndoshta nuk e keni dëgjuar. Aparaturat ‘modem’ ndihmojnë zyrtarët zgjedhorë të raportojnë shpejt rezultatet, por ekspertët e sigurisë thonë se janë shumë të rrezikshme për t’u hakeruar.
Ekziston një objektiv hakerimi kryesisht i anashkaluar që mund të ndihmojë ata që duan të mbjellin dyshime në lidhje me numërimin e votave në zgjedhjet afatmesme të nëntorit, janë aparaturat modem celularë që transmetojnë rezultate gjatë natës së zgjedhjeve.
Aparaturat modem të cilët dërgojnë të dhëna votash nga qendrat e votimit në zyrat qendrore, duke përdorur rrjetet e telefonave celularë, ndihmojnë zyrtarët zgjedhorë të plotësojnë kërkesën e publikut për rezultate të shpejta. Por vendosja e çdo lidhjeje rrjeti në një sistem zgjedhor hap mënyra të reja për ta sulmuar atë, rrjetin pra, që nuk kërkojnë qasje fizike në makineri dhe ekspertët e sigurisë thonë se rreziqet për manipulim janë të mëdha.
“Ju jeni duke llogaritur në një grup infrastrukture për të ofruar të dhëna dhe është brenda aftësive të hakerave të shteteve-komb për të depërtuar në atë infrastrukturë”, tha Dan Wallach, një profesor i shkencave kompjuterike në Universitetin Rice, i cili ka ekspozuar vazhdimisht të metat në pajisjet zgjedhore.
Ky është një shqetësim i veçantë që nga zgjedhjet e vitit 2020, në të cilat presidenti i atëhershëm Donald Trump kapi mospërputhjet e mëdha midis rezultateve të para dhe numërimit përfundimtar të votave për të pretenduar në mënyrë direkte mashtrim zgjedhor.
Të paktën gjashtë shtete,Florida, Illinois, Iowa, Massachusetts, Michigan dhe Minesota – përdorin modem për të transmetuar rezultatet. Rhode Island i përdor ato në mbarë vendin, edhe Uashington D.C. i përdor ato në mbarë qytetin.
“Perspektiva absolutisht e tmerrshme”, lidhur me sigurinë e zgjedhjeve në SHBA.
Ndërsa nuk ka pasur raportime për hakerimin e modemëve në zgjedhjet e mëparshme, dobësitë janë të njohura mirë dhe hakerët kanë mjetet për t’i shfrytëzuar ato.
“Në atmosferën aktuale zgjedhore në SHBA, makinat e votimit janë tani një objektiv i mundshëm për sulmet kibernetike” tha David Levine, një ish drejtor zgjedhor për Ada County, Idaho.
Amerikanëve nuk u pëlqen të presin për të mësuar se kush fitoi zgjedhjet. “Ka një oreks në publik për rezultate të menjëhershme dhe [përdorimi i aparaturave modem] është mënyra më e mirë për ta bërë këtë”, tha Paul Lux, mbikëqyrësi i zgjedhjeve në Okaloosa County, i cili përdor modem për të transmetuar rezultatet e tij zgjedhore.
“Tani duhet të shqetësohemi nëse dikush do të ketë akses në një rrjet komunikimi që është thelbësisht i hapur”, tha Matt Blaze, një profesor i shkencave kompjuterike dhe drejtësisë në Universitetin Georgetown, i cili studion sistemet e votimit.
Megjithatë, do të duhen vite që pajisjet e reja të certifikohen sipas udhëzimeve të përditësuara dhe madje edhe atëherë, disa shtete mund të zgjedhin të mos e përfshijnë ndalimin e modemit në rregulloret e tyre.
Atëherë mbetet që SHBAtë të punojnë që në zgjedhjet e pas 2 viteve qytetarët të mos votojnë më elektronikisht, por me fletë. Një formë e tillë do të shmangte dyshimet, pasi komisionerët e secilës palë në garë do të jenë përgjegjës për numërimin e votës, me mjete elektronike të monitorimit.
Zgjedhjet e nëntorit në SHBA, do të kenë të papriturat e tyre dhe Biden nuk ka për ta pranuar humbjen, duke vënë në dyshim, pikërisht këtë fakt, numërimin elektronik, që para 2 vitesh e përdori masivisht dhe bëri që të votojnë edhe të vdekurit.
