Fluturimi i terrorit për Easyjet, i zënë, i okupuar. Një avion i nisur për në Rodos shmangi disa metra përplasjen me një dron, teksa fluturonte mbi Britani. Operatori i dronit nuk është gjentur ende, por duhet shënuar se droni fluturonte në 16.000 këmbë!
Pilotët e avionit Easyjet Airbus A320 vunë re diçka të pazakontë teksa fluturonin në 16.000 këmbë mbi bregun e Kentit.
Në veçanti, siç raporton “The SUN”, pilotët kanë pikasur një pajisje të zezë, cilindrike, e cila po shkonte drejt tyre, teksa fluturonin me shpejtësi 400 milje në orë, rreth 20 milje në perëndim të Doverit.
Avioni, i cili ishte nisur nga aeroporti Gatwick, po udhëtonte mes Londrës drejt Rodosit, me 180 pasagjerë.
Një nga dy pilotët e avionit dëgjoi një goditje dhe kishte frikë se droni kishte goditur Airbus A320.
Sipas të njëjtave informacione, “avioni” pa pilot ka “përplasur” pjesën e poshtme të kabinës së avionit teksa po fluturonte në një lartësi prej 16.000 këmbësh, por nuk është përplasur me të, siç tregoi inspektimi i pjesës së jashtme të kabinës së avionit.
Aeroplani Easyjet Airbus u ul në Greqi.
Lartësia maksimale e lejuar që një dron mund të fluturojë është 400 këmbë, kështu që avioni pa pilot fluturoi 40 herë më shumë se kufiri i lejuar i fluturimit.
Kapiteni u tha kontrollorëve të trafikut ajror: “Për pak goditëm një dron. Po flasim për më pak se tre metra. Nuk mendojmë se e goditëm, pati pak zhurmë, do të kthehemi”.
Pas ekzaminimit të avionit gjatë uljes, kapiteni nuk gjeti dëmtime dhe theksoi: “Mund të konfirmoj se nuk e goditëm dronin. Shanset janë që zhurma që oficeri i parë dëgjoi ishte ndoshta nga brenda kabinës së avionit”.
Bordi i Aksidenteve Ajrore të Mbretërisë së Bashkuar, i cili heton rastet e afërta, e vlerësoi incidentin si incidemt të kategorisë A, që do të thotë se kishte një rrezik serioz përplasjeje.
Gjithashtu, Këshilli theksoi se ka prova të mjaftueshme që objekti cilindrik dhe i zi i gjetur në 16.000 këmbë ka shumë të ngjarë të jetë një dron.
Ekspertët e aviacionit kanë paralajmëruar vazhdimisht për rreziqet e një droni, i cili mund të thyejë dritaren e kabinës së avionit ose të rrëzojë një motor jet.
Piloti i avionit pa pilot, rrezikon të dënohet me burg që këtej dhe në vazhdim.
EasyJet tha se ekuipazhi i fluturimit veproi në përputhje me procedurat e tyre normale të funksionimit për të siguruar që siguria e fluturimit të mos cënohej.
Por a ishte dron objekti? Droni që njeh teknologjia e njeriut?
Është hera e dytë brenda 4 muajve që haset i njëjti fenomen, me një dron cilindrik të zi, që fluturon në mbi 15 mijë këmbë.
Shumë specialistë të aviacionit dyshojnë se mund të jenë edhe dronë ushtrie, gjithësesi gjithçka mbetet një mister.
